മെഡിക്കല്‍ കോളേജിലെ ഒരു വിഭാഗത്തിന്റെ പേരില്‍ വ്യാജ സര്‍ട്ടിഫിക്കറ്റ് നല്‍കിയതായി പരാതി
പരിയാരം: മെഡിക്കല്‍ കോളേജിന്റെ സീല്‍ ഉപയോഗിച്ച് ഒരു വിഭാഗത്തിന്റെ പേരില്‍ വ്യാജമായി സര്‍ട്ടിഫിക്കറ്റ് നല്‍കി പണം തട്ടിയതായി പരാതി.
ഇത്തരത്തില്‍ നല്‍കിയ സര്‍ട്ടിഫിക്കറ്റ് പ്രിന്‍സിപ്പാളിന് വെരിഫിക്കേഷന് ലഭിച്ചതോടെയാണ് തട്ടിപ്പ് പുറത്തായത്.
ജനസമക്ഷം, പൊതു സമക്ഷം എന്ന പേരില്‍ കണ്ണൂര്‍ ഓണ്‍ലൈന്‍ ന്യൂസ് ആരംഭിച്ച വാര്‍ത്താ പരിപാടിയിലേക്കാണ് ഇത് സംബന്ധിച്ച വിവരങ്ങള്‍ ലഭിച്ചത്.
വിദേശത്ത് ജോലി ലഭിക്കുന്നതിന് ഉള്‍പ്പെടെ 50,000 മുതല്‍ രണ്ട് ലക്ഷം രൂപ വരെ നല്‍കി പലരും ഈ സര്‍ട്ടിഫിക്കറ്റ് വാങ്ങിയതായാണ് വിവരം.
ഇത് സംബന്ധിച്ച ചില രേഖകള്‍ ഉള്‍പ്പെടെ വാര്‍ത്താ വിഭാഗത്തിന് ലഭിച്ചിട്ടുണ്ട്. കൂടുതല്‍ വിവരങ്ങള്‍ അന്വേഷിച്ചുവരികയാണ്.