പുലര്‍ച്ചെ റോഡരികില്‍ ശീട്ടുകളി, നാലുപേര്‍ പിടിയില്‍
ശ്രീകണ്ഠാപുരം: പുലര്‍ച്ചെ രണ്ടരമണിക്ക് മെഴുകുതിരിവെട്ടത്തില്‍ റോഡരികില്‍ ശീട്ടുകളിച്ച നാലംഗസംഘം പോലീസ് പിടിയില്‍.
ശ്രീകണ്ഠാപുരം വയല്‍പാത്ത് വീട്ടില്‍ വി.നസീര്‍(30), കീഴല്ലൂര്‍ വായത്തോട്ടിലെ പി.ഷക്കീര്‍(38), കൂടാളി താറ്റ്യോട്ട് അമ്പലം റോഡിലെ നെല്ലിക്കണ്ടി വീട്ടില്‍ എം.വി.മുഹമ്മദ് ഫൈസല്‍(20), തില്ലങ്കേരി വാഴക്കലിലെ സരസ്വതി നിവാസില്‍ കെ.ശിവപ്രസാദ്(21) എന്നിവരെയാണ് ശ്രീകണ്ഠാപുരം ഇന്‍സ്‌പെക്ടര്‍ ടി.കെ.മുകുന്ദന്റെ നേതൃത്വത്തില്‍ പിടികൂടിയത്.
പട്രോളിങ്ങിനിടെ ചേരന്‍കുന്ന് ബസ്റ്റോപ്പിന് സമീപത്തെ റോഡരികില്‍ മെഴുകുതിരിവെട്ടം കണ്ടാണ് പോലീസ് സ്ഥലത്തെത്തിയത്.
ഓടിരക്ഷപ്പെടാന്‍ ശ്രമിച്ച ശീട്ടുകളിക്കാകെ പോലീസ് ബലംപ്രയോഗിച്ച് പിടികൂടുകയായിരുന്നു.
5660 രൂപയും ഇവരില്‍ നിന്ന് പിടിച്ചെടുത്തു.