ഭാര്യയെ മര്‍ദ്ദിച്ചു, സ്വര്‍ണവും പണവും തട്ടിയെടുത്തു, ഡോക്ടര്‍ക്കെതിരെ കേസ്.
കണ്ണൂര്‍: ഭാര്യയെ പീഡിപ്പിച്ചതായ പരാതിയില്‍ ഡോക്ടര്‍ക്കെതിരെ കേസ്.
കണ്ണൂരിലെ ഡോ.പി.ജിതേന്ദ്രനാഥിനെതിരെയാണ്(60)കണ്ണൂര്‍ ടൗണ്‍ പോലീസ് കേസെടുത്തത്.
കണ്ണൂര്‍ ലക്‌സസ് ക്യൂന്‍സ് അപ്പാര്‍ട്ട്‌മെന്റിലെ ഫ്‌ളാറ്റ് നമ്പര്‍ 2 ഡിയില്‍ താമസിക്കുന്ന ഭാര്യ ഇ.എസ്.സീമയുടെ(48) പരാതിയിലാണ് കേസ്.
2008 മാര്‍ച്ച് 21 ന് മലപ്പുറത്തെ തിരുമാന്ധാംകുന്ന് ക്ഷേത്രത്തില്‍ വെച്ച് വിവാഹിതരായ ഇരുവരും ഡോക്ടറുടെ തളാപ്പ് ചിന്‍മയ ബാലഭവന് സമീപത്തെ വീ്ടില്‍ താമസിക്കവെ ഡോക്ടറുടെ
ഉടമസ്ഥതയിലുള്ള തോട്ടട ബീച്ചിലെ കാന്‍ബേ റിലോര്‍ട്ടില്‍ വെച്ചും തളാപ്പിലെ വീട്ടില്‍ വെച്ചും വിവാഹിതരായ ദിവസം മുതല്‍ 2024 ജൂലായ് 17 വരെ പലതവണ കൈകൊണ്ട് മര്‍ദ്ദിക്കുകും കത്തികാട്ടി കൊല്ലുമെന്ന് ഭീഷണിപ്പെടുത്തുകയും ചെയ്തുവെന്നാണ് പരാതി.
കൂടാതെ 50 പവന്‍ സ്വര്‍ണ്ണാഭരണങ്ങളും 10 ലക്ഷം രൂപയും കൈക്കലാക്കി തിരിച്ചു കൊടുക്കാതെ വഞ്ചിച്ചെന്നും പരാതിയുണ്ട്.