അഞ്ച് പോലീസുകാര്‍ക്ക് സസ്‌പെന്‍ഷന്‍-
കണ്ണൂര്‍: മാങ്ങാട്ടുപറമ്പ് കെ.എ.പി. നാലാം ബറ്റാലിയനിലെ 5 പോലീസുകാര്‍ക്ക് സസ്‌പെന്‍ഷന്‍.
അശ്രദ്ധമായി വാഹനം ഓടിച്ച് അപകടംവരുത്തിയതിനാണ് നടപടി.
കഴിഞ്ഞ മാസം 30 ന് പോലീസുകാരന്‍ ഓടിച്ച കാറിടിച്ച് രണ്ട് ബൈക്ക് യാത്രികര്‍ക്ക് പരിക്കേറ്റിരുന്നു.
നിര്‍ത്താതെ പോയ വാഹനത്തില്‍ നിന്ന് മദ്യകുപ്പികള്‍ കണ്ടെടുക്കുകയും ചെയ്തിരുന്നു.
എന്‍.കെ. രമേശന്‍, ടി.ആര്‍. രജീഷ്, ടി.ആര്‍. പ്രജീഷ്, കെ. സന്ദീപ്, വി.കെ. സായൂജ്, ശ്യാം കൃഷ്ണന്‍ എന്നിവര്‍ക്കാണ് സസ്‌പെന്‍ഷന്‍.
പറശ്ശിനിക്കടവ് ഭാഗത്തേക്ക് കഴിഞ്ഞ ദിവസം യാത്ര നടത്തുന്നതിനിടെ എതിര്‍വശത്ത് നിന്ന് വന്ന ബൈക്കില്‍ ഇവരുടെ കാറിടിച്ചു.
ബൈക്കിലെത്തിയവര്‍ വീണു കിടന്നിട്ടും ഇവര്‍ കാര്‍ നിര്‍ത്തുകയോ വൈദ്യസഹായം ലഭ്യമാക്കുകയോ ചെയ്തില്ല.
പകരം കാറുമായി കടന്നുകളയുകയായിരുന്നു.പിന്നീട് നാട്ടുകാര്‍ ഇവരെ പിന്തുടര്‍ന്ന് പിടിക്കുകയായിരുന്നു.
ഒളിപ്പിച്ചുവെച്ച കാറില്‍ നിന്ന് നാട്ടുകാര്‍ മദ്യകുപ്പികളും മറ്റും കണ്ടെടുത്തു.
ഇതുമായി ബന്ധപ്പെട്ട് കേസ് മൂടിവെയ്ക്കാനുള്ള ശ്രമവും പോലീസുകാര്‍ നടത്തിയെന്നാണ് അന്വേഷണത്തിലെ ണ്ടത്തല്‍.