ശ്രീശാസ്താ മാധ്യമപുരസ്‌ക്കാരം മംഗളം തളിപ്പറമ്പ് ലേഖകന്‍ കരിമ്പം.കെ.പി.രാജീവന് ഏറ്റുവാങ്ങി.
തളിപ്പറമ്പ്: ശ്രീശാസ്താ മാധ്യമപുരസ്‌ക്കാരം മംഗളം ദിനപത്രം തളിപ്പറമ്പ് ലേഖകന്‍ കരിമ്പം.കെ.പി.രാജീവന് മലബാര്‍ ദേവസ്വം ബോര്‍ഡ് ചെയര്‍മാന്‍ എം.ആര്‍.മുരളി സമ്മാനിച്ചു.
പാലകുളങ്ങര ശ്രീധര്‍മ്മശാസ്താക്ഷേത്രത്തില്‍ നടന്ന പ്രൗഡഗംഭീരമായ ചടങ്ങിലാണ് പുരസ്‌ക്കാരം സമ്മാനിച്ചത്.
പാലകുളങ്ങര ധര്‍മ്മശാസ്താ ക്ഷേത്രം ഭരണസമിതി ചെയര്‍മാന്‍ കെ.സി.മണികണ്ഠന്‍നായര്‍ അധ്യക്ഷത വഹിച്ചു.
എക്‌സിക്യുട്ടീവ് ഓഫീസര്‍ പി.ടി.മുരളീധരന്‍ സ്വാഗതവും കെ.രവീന്ദ്രന്‍ നന്ദിയും പറഞ്ഞു.
കഴിഞ്ഞ 20 വര്‍ഷമായി തളിപ്പറമ്പിലെ മാധ്യമപ്രവര്‍ത്തനരംഗത്ത് നല്‍കിയ സംഭാവനകളെ പരിഗണിച്ചാണ് ശ്രീശാസ്താ മാധ്യമപുരസ്‌ക്കാരത്തിന് രാജീവന് അര്‍ഹനായത്.