കേരളാ പോലീസ് അസോസിയേഷന്‍ ഏകദിന പഠനക്യാമ്പ്.
ധര്‍മ്മശാല: കേരള പോലീസ് അസോസിയേഷന്‍ കണ്ണൂര്‍ റൂറല്‍ ജില്ലാ കണ്‍വെന്‍ഷന്റെ ഭാഗമായി സംഘടിപ്പിച്ച ഏകദിന പഠന ക്ലാസ് ജില്ലാ പോലീസ് മേധാവി എം.ഹേമലത ഉദ്ഘാടനം ചെയ്തു.
റൂറല്‍ ജില്ലാ പ്രസിഡന്റ് എം.കെ.സാഹിദ അധ്യക്ഷത വഹിച്ചു.
സാമ്പത്തിക കുറ്റകൃത്യങ്ങളും അന്വേഷണ വഴികളും എന്ന വിഷയത്തില്‍ കണ്ണൂര്‍ ക്രൈംബ്രാഞ്ച് എസ് പി പി.പി.സദാനന്ദന്‍, ഓണ്‍ലൈന്‍ ബാങ്കിംഗ് പ്രശ്‌നങ്ങളും പ്രതിവിധികളും എന്ന വിഷയത്തില്‍ ഐസിഐസിഐ സോണല്‍ മാനേജര്‍ സെന്തില്‍ ജെ.വിനോദ് എന്നിവര്‍ ക്ലാസുകളെടുത്തു.
മാങ്ങാട്ടുപറമ്പ് കെ എ പി 4 സ്മാര്‍ട്ട് ക്ലാസ്സ് റൂമില്‍ സംഘടിപ്പിച്ച പരിപാടിയില്‍ ജില്ലയിലെ നൂറോളം പോലീസ് ഉദ്യോഗസ്ഥര്‍ പങ്കെടുത്തു.
പോലീസ് അസോസിയേഷന്‍ സംസ്ഥാന നിര്‍വാഹക സമിതി അംഗം ടി.വി.ജയേഷ് ഉപഹാര സമര്‍പ്പണം നടത്തി.
കേരള പോലീസ് ഓഫീസര്‍ അസോസിയേഷന്‍ കണ്ണൂര്‍ റൂറല്‍ ജില്ലാ സെക്രട്ടറി കെ.പി.അനീഷ്, കെ.പ്രിയേഷ്, കെ.രാമകൃഷ്ണന്‍, അനൂപ് എടക്കാനം എന്നിവര്‍ സംസാരിച്ചു.
ഏപ്രില്‍ 27-ന് വ്യാഴാഴ്ച്ച ഇരിട്ടിയില്‍ വെച്ചാണ് റൂറല്‍ ജില്ലാ കണ്‍വെന്‍ഷന്‍ നടക്കുന്നത്.