പോലീസ് മമ്മുഞ്ഞി 20 കുപ്പി മാഹിമദ്യവുമായി പിടിയില്‍.
തളിപ്പറമ്പ്: ഇരുപത് കുപ്പി മാഹി വിദേശമദ്യവുമായി പോലീസ് മമ്മുഞ്ഞി എക്‌സൈസ് പിടിയിലായി.
ലോക്‌സഭ തെരഞ്ഞെടുപ്പിനോടനുബന്ധിച്ചു നടക്കുന്ന സ്‌പെഷ്യല്‍ എന്‍ഫോഴ്സ്‌മെന്റ് ഡ്രൈവിന്റെ ഭാഗമായി തളിപ്പറമ്പ് എക്‌സൈസ് സര്‍ക്കിള്‍ ഓഫീസിലെ അസി.എക്‌സൈസ് ഇന്‍സ്‌പെക്ടര്‍ (ഗ്രേഡ്) വി.വി.ഷാജിയുടെ നേതൃത്വത്തില്‍
പയ്യന്നൂര്‍ ഭാഗത്ത് നടത്തിയ റെയ്ഡിലാണ് പയ്യന്നൂര്‍ പഴയ ബസ്സ് സ്റ്റാന്‍ഡ് പരിസരത്ത് വച്ച് വില്‍പ്പനക്കായി കടത്തുകയായിരുന്ന 20 കുപ്പി മാഹി മദ്യവുമായി പാടിയോട്ടുചാല്‍ സ്വദേശി പോലീസ് മമ്മൂഞ്ഞി എന്നറിയപ്പെടുന്ന മുഹമ്മദ് കുഞ്ഞിയെ(54)പിടിയത്. ഇയാളുടെ പേരില്‍ അബ്കാരി കേസെടുത്തു.
പ്രിവന്റീവ് ഓഫീസര്‍ കെ.കെ.രാജേന്ദ്രന്‍, സിവില്‍ എക്‌സൈസ് ഓഫിസര്‍ പി.വി.സനേഷ്, എക്‌സൈസ് ഡ്രൈവര്‍ പി.വി.അജിത്ത് എന്നിവരും സംഘത്തില്‍ ഉണ്ടായിരുന്നു.