ഒന്നല്ല, രണ്ടല്ല, മൂന്നല്ല–42+ 11 നടുവില്‍ക്കാരന്‍ കുടുങ്ങി.
തളിപ്പറമ്പ്: ഓട്ടോറിക്ഷയില്‍ കടത്തുകയായിരുന്ന 42 കുപ്പി ഇന്ത്യന്‍ നിര്‍മ്മിത വിദേശമദ്യം എക്‌സൈസ് സംഘം പിടികൂടി, ഒരാള്‍ അറസ്റ്റില്‍.
നടുവില്‍ സ്വദേശി കെ.എസ്.സാബു(42)നെയാണ് അറസ്റ്റ് ചെയ്തത്.
മദ്യം കടത്തിയ കെ. എല്‍.13 എ.എല്‍ 2048 ബജാജ് ഓട്ടോറിക്ഷയും പിടിച്ചെടുത്തു.
തളിപ്പറമ്പ് എക്‌സൈസ് പ്രിവന്റീവ് ഓഫീസര്‍ എം.വി.അഷറഫും സംഘവും മയ്യില്‍-പാടിക്കുന്ന് ഭാഗങ്ങളില്‍ നടത്തിയ പട്രോളിങ്ങില്‍
പാടിക്കുന്നില്‍ വെച്ചാണ് 42 കുപ്പി (21 ലിറ്റര്‍) ഇന്ത്യന്‍ നിര്‍മിത വിദേശ മദ്യം പിടിച്ചെടുത്തത്. സാബുവിന്റെ പേരില്‍ അബ്കാരി കേസെടുത്തു.
പാടിക്കുന്നില്‍ വെച്ച് തന്നെ അനുവദനീയമായ അളവില്‍ കൂടുതല്‍ ബിയര്‍ (7.150 ലിറ്റര്‍) കൈവശം വെച്ച കുറ്റത്തിന് എന്‍.സന്തോഷ് (41)എന്നയാളുടെ പേരിലും അബ്കാരി കേസെടുത്തു.
11 കുപ്പി ബിയര്‍ പിടിച്ചെടുത്തു. സിവില്‍ എക്‌സൈസ് ഓഫീസര്‍മാരായ ടി.വി.വിനേഷ്, പി.ആര്‍.വിനീത് എന്നിവരും റെയിഡ് നടത്തിയ സംഘത്തില്‍ ഉണ്ടായിരുന്നു.