ചെങ്കല്‍ ലോറികള്‍ കൂട്ടിയിടിച്ച് ഡ്രൈവര്‍ക്ക് പരിക്കേറ്റു.
പരിയാരം:ചെങ്കല്‍ ലോറികള്‍ കൂട്ടിയിടിച്ച് ഒരാള്‍ക്ക് പരിക്ക്.
ചുടല പാണപ്പുഴ റോഡില്‍ അമ്മാനപ്പാറയില്‍ ഉച്ചയോടെ നിര്‍ത്തിയിട്ട വടകര ഭാഗത്തേക്ക് ചെങ്കല്ലുമായി പോകുകയായിരുന്ന
KL 10 BF മഹീന്ദ്ര ലോറിക്ക് പിറകില്‍ വടകര ഭാഗത്തേക്ക് തന്നെ ചെങ്കല്ലുമായി പോകുകയായിരുന്ന KL 84-.53 ഐഷര്‍ ലോറി നിയന്ത്രണം വിട്ട് ഇടിക്കുകയായിരുന്നു.
ഇടിയുടെ ആഘാതത്തില്‍ ഐഷര്‍ ലോറിഡ്രൈവര്‍
കൊണ്ടോട്ടി സ്വദേശി ഷിബു (34 ) സീറ്റില്‍ കുടുങ്ങി പോവുകയായിരുന്നു.
തളിപ്പറമ്പില്‍ നിന്നും എത്തിയ സ്‌റ്റേഷന്‍ ഇന്‍ ചാര്‍ജ് ടി.വി. പ്രകാശന്റെ നേതൃത്വത്തിലുള്ള അഗ്‌നി രക്ഷാ സംഘം
ഹൈഡ്രോളിക്ക് കട്ടര്‍ പ്രവര്‍ത്തിപ്പിച്ച് വാഹന ഭാഗങ്ങള്‍ മുറിച്ചെടുത്ത് പുറത്തെടുത്ത് ആളെ പരിയാരം മെഡിക്കല്‍ കോളേജില്‍ എത്തിച്ചു.
ഫയര്‍ ആന്റ് റസ്‌ക്യൂ ഓഫീസര്‍ മാരായ ടി.വി.രജീഷ് കുമാര്‍, കെ.വി.രാജീവന്‍, പി.വി.ഗിരീഷ്, കെ.വി.അനൂപ്, വി.ജയന്‍, കെ.സജീന്ദ്രന്‍, സി.പി.രാജേന്ദ്രകുമാര്‍, തോമസ് മാത്യു എന്നിവരും പങ്കെടുത്തു.