മയക്കുമരുന്ന് കേസിലെ മുൻ പ്രതി മാഹി മദ്യവുമായി പിടിയിൽ

തളിപ്പറമ്പ്: മയക്കുമരുന്ന് കേസിലെ മുൻ പ്രതിയെ മാഹി മദ്യവുമായി എക്സൈസ് സംഘം അറസ്റ്റ് ചെയ്തു.

കൂവേരി ചപ്പാരപ്പടവിൽ കുയിപ്രയിലെ ചൊക്രാൻ്റകത്ത് മുഹമ്മദിനെയാണ് (55) മാഹി മദ്യവുമായി തളിപ്പറമ്പ് എക്സൈസ് ഇൻസ്പെക്ടർ വി.വിപിൻ കുമാറിൻ്റെ നേതൃത്വത്തിലുള്ള സ്ട്രൈക്കിംഗ് ഫോഴ്സ് ടീം അറസ്റ്റ് ചെയ്തത്.

ഇയാളെ കോടതിയിൽ ഹാജരാക്കി റിമാൻ്റ് ചെയ്തു.

പ്രിവൻ്റീവ് ഓഫീസർ കെ.കെ.രാജേന്ദ്രൻ, സി.ഇ.ഒമാരായ റെനിൽ കൃഷ്ണൻ, ശ്യാം രാജ്, എക്സൈസ് ഡ്രൈവർ അനിൽ കുമാർ എന്നിവരും പ്രതിയെ പിടികൂടിയ സംഘത്തിൽ ഉണ്ടായിരുന്നു.