പെറ്റ്സ്റ്റേഷന് പ്രഥമ മാധ്യമപുരസ്‌ക്കാരം കരിമ്പം.കെ.പി.രാജീവന് സമ്മാനിച്ചു.
മാട്ടൂല്‍: പെറ്റ്സ്റ്റേഷന് പ്രഥമ മാധ്യമപുരസ്‌ക്കാരം സമ്മാനിച്ചു. പെറ്റ്‌സ്റ്റേഷനില്‍ നടന്ന പ്രൗഢഗംഭീരമായ ചടങ്ങില്‍ മംഗളം ദിനപത്രം തളിപ്പറമ്പ് ലേഖകന്‍ കരിമ്പം.കെ.പി.രാജീവന് പുരസ്‌ക്കാരം ഏറ്റുവാങ്ങി.
പെറ്റ് സ്റ്റേഷന്‍ ഉടമ എ.പി.അബ്ദുല്‍ഖാദര്‍ ഹാജി അവാര്‍ഡ് സമ്മാനിച്ചു.
മൊമന്റോയും പ്രശസ്തിപത്രവും ക്യാഷ് അവാര്‍ഡും അടങ്ങിയതാണ് പുരസ്‌ക്കാരം.
അരുമമൃഗങ്ങളേക്കുറിച്ചുള്ള വാര്‍ത്തകള്‍ക്കാണ് മാട്ടൂലിലെ പെറ്റ്സ്റ്റേഷന് അധികൃതര്‍ അവാര്‍ഡ് നല്‍കാനായി മാധ്യമ പ്രവര്‍ത്തകരില്‍ നിന്നും എന്‍ട്രികള്‍ ക്ഷണിച്ചത്.
മംഗളം ദിനപത്രത്തില്‍ പ്രസിദ്ധീകരിച്ച ദേശീയപാതയോരത്ത് കാലിമേച്ച് ദാമോദരന്‍ ഒരു വ്യാഴവട്ടം തികയ്ക്കുന്നു എന്ന വാര്‍ത്തക്കാണ് പുരസ്‌ക്കാരം.
മാധ്യമം മുന്‍ സീനിയര്‍ ന്യൂസ് എഡിറ്റര്‍ സി.കെ.അബ്ദുല്‍ ജബ്ബാര്‍, കണ്ണൂര്‍ പ്രസ്‌ക്ലബ്ബ് മുന്‍ സെക്രട്ടെറി മട്ടന്നൂര്‍ സുരേന്ദ്രന്‍, റേഡിയോ ഏഷ്യാ നെറ്റ്വര്‍ക്ക് ന്യൂസ് എഡിറ്റര്‍ അനൂപ് കീച്ചേരി എന്നിവരായിരുന്നു ജഡ്ജിംഗ് കമ്മറ്റി അംഗങ്ങള്‍.
പെറ്റ്സ്റ്റേഷന് മാനേജര്‍ മുനീര്‍ സ്വാഗതം പറഞ്ഞു.
മലയാള മനോരമ പഴയങ്ങാടി ലേഖകന്‍ സുധീര്‍ വെങ്ങര, പ്രകാശന്‍ എന്നിവരും അവാര്‍ഡ് ഏറ്റുവാങ്ങി.