മുളങ്ങേശ്വരം ശിവക്ഷേത്രത്തില്‍ കൂവളപത്രസമര്‍പ്പണം നടത്തി-
തളിപ്പറമ്പ്: ക്ഷേത്രസംരക്ഷണ സമിതി ദേവസ്വം മുളങ്ങേശ്വരം ശിവക്ഷേത്രസംരക്ഷണ സമിതിയുടെ നേതൃത്വത്തില്‍ ക്ഷേത്രാങ്കണത്തില്‍ കൂവളപത്രസമര്‍പ്പണം നടത്തി.
രാവിലെ 8 മണി മുതല്‍ 9 മണി വരെ നടത്തിയ പരിപാടിയെ തുടര്‍ന്ന് മൂന്ന് പ്രദക്ഷിണം വെച്ച് മഹാദേവനെ തൊഴുത് സാമൂഹ്യാരാധനയും നടത്തി.
കൂവളപത്ര സമര്‍പ്പണത്തിന് മുന്നോടിയായി ശിവരാത്രി മാഹാത്മ്യത്തെ കുറിച്ച് സമിതി സംസ്ഥാന സത്‌സംഗ പ്രമുഖ് കെ.ഒ.ജയചന്ദ്രന്‍ സംസാരിച്ചു.
ശാഖാ പ്രസിഡന്റ് വിനോദ് തലോറ, സെക്രട്ടറി പി.ബാലകൃഷ്ണന്‍, ട്രഷറര്‍ പി.അനില്‍കുമാര്‍ അംഗങ്ങളായ മായാദേവി, ഷൈമ, ഗണേശന്‍ എന്നിവര്‍ നേതൃത്വം നല്‍കി.
വൈകുന്നേരം ദീപാരാധനയോടനുബന്ധിച്ച് ഭസ്മ നിര്‍മാണവും ഭജനയും നടക്കും.