എന്.സി.മമ്മൂട്ടിമാസ്റ്റര്: വിത്തില് മരം കണ്ടെത്തിയ സംഘാടകന്
തലശ്ശേരി: വിത്തില് മരം കണ്ടെത്തിയ സംഘാടകനും നേതാവുമായിരുന്നു എന്.സി.മമ്മൂട്ടിമാസ്റ്ററെന്ന് യുവകലാസാഹിതി സംസ്ഥാന ജന: സെക്രട്ടറി ഡോ.ഒ.കെ.മുരളീകൃഷ്ണന് പറഞ്ഞു.
എന്.സി.മമ്മൂട്ടിമാസ്റ്റര് പബ്ലിക്ക് ലൈബ്രറി സംഘടിപ്പിച്ച അനുസ്മരണപരിപാടി ഉദ്ഘാടനം ചെയ്യുകയായിരുന്നു അദ്ദേഹം.
സാംസ്കാരിക പ്രസ്ഥാനങ്ങളുടെ നേതൃസ്ഥാനത്ത് തുടരുമ്പോള് താഴെ തട്ടിലുള്ളവരുമായി നിരന്തരബന്ധം പുലര്ത്തിയിരുന്നത് തപാല് കാര്ഡില് എഴുതി കൊണ്ടായിരുന്നു.
നല്ല കാലത്തെ സൃഷ്ടിക്കാന് ശ്രമിച്ച വലിയൊരു മനുഷ്യസ്നേഹിയായിരുന്നു മമ്മൂട്ടിമാസ്റ്ററെന്നും മുരളീകൃഷ്ണന് പറഞ്ഞു.
യോഗത്തില് ചൂര്യയി ചന്ദ്രന് മാസ്റ്റര് അദ്ധ്യക്ഷത വഹിച്ചു.
സി.പി.ഐ സംസ്ഥാന കൗണ്സിലംഗം സി.പി.ഷൈജന്, വി.അയിഷാബീവി,അഡ്വ.കെ.എം.ശ്രീശന് എന്നിവര് സംസാരിച്ചു.