പേപ്പര്‍ ചുരുട്ടി വര്‍ണ്ണവിസ്മയം തീര്‍ത്ത് ഒറിഗാമി പരിശീലനം
ഏര്യം: കടന്നപ്പള്ളി-പാണപ്പുഴ ഗ്രാമപഞ്ചായത്ത് ഏര്യം വാര്‍ഡിലെ ആലക്കാട്, ഏര്യം, തെന്നം അങ്കണവാടികളിലെ വര്‍ണ്ണക്കൂട്ട് അംഗങ്ങള്‍ക്ക് ഏകദിന ഒറിഗാമി പരിശീന ക്ലാസ് നടത്തി.
ഏര്യം വിദ്യാമിത്രം യു.പി.സ്‌കൂളില്‍ നടന്ന ചടങ്ങ് എ.സി.ഇന്ദിര ടീച്ചറുടെ ആധ്യക്ഷതയില്‍ വാര്‍ഡ് മെമ്പര്‍ ജംഷീര്‍ ആലക്കാട് ഉദ്ഘാടനം ചെയ്തു.
പ്രവീണ്‍ രുഗ്മ, ശിവദാസന്‍ എഴോം എന്നിവര്‍ പരിശീലനത്തിന് നേതൃത്വം നല്‍കി.
കെ.സി. മനോജ് മാസ്റ്റര്‍, എസ്.വി.ബഷീര്‍ എന്നിവര്‍ പ്രസംഗിച്ചു.
ഒ.പി.പാത്തുമ്മ ടീച്ചര്‍ സ്വാഗതവും പി.യു.സുജാത ടീച്ചര്‍ നന്ദിയും പറഞ്ഞു