ഓര്‍മ്മയോരം-2024പൂര്‍വ്വവിദ്യാര്‍ത്ഥി സംഗമം സംഘടിപ്പിച്ചു
ചപ്പാരപ്പടവ്:ചപ്പാരപ്പടവ് ഹയര്‍ സെക്കന്ററി സ്‌കൂള്‍ 2001-2002 എസ് എസ് എല്‍ സി ബാച്ച് വിദ്യാര്‍ത്ഥികള്‍, ഓര്‍മ്മയോരം എന്ന പേരില്‍ പൂര്‍വ്വവിദ്യാര്‍ത്ഥി സംഗമം സംഘടിപ്പിച്ചു.
ചപ്പാരപ്പടവ് എച്ച്.എസ്.സ്‌കൂള്‍ ഹെഡ്മാസ്റ്റര്‍ കെ.മുസ്തഫ സംഗമം ഉദ്ഘാടനം ചെയ്തു.
നവാഫ് അഹമ്മദ് അധ്യക്ഷത വഹിച്ചു. കഴിഞ്ഞ ദിവസം അന്തരിച്ച ദിലീപ് കുമാര്‍ കൂവേരി ഉള്‍പ്പടെ മണ്‍മറഞ്ഞുപോയ സഹപാഠികള്‍ക്കും അധ്യാപകരെയും അനുസ്മരിച്ചുകൊണ്ടാണ് പരിപാടി ആരംഭിച്ചത്.
അധ്യാപകരായ ഐ.ദാമോദരന്‍, ബാലഗോപാലന്‍, ശശിധരന്‍, പ്രഭാകരന്‍, പി.വി.ദാമോദരന്‍, ഡാമിയന്‍, സുഖദേവന്‍, മനോജ്, സണ്ണി, മുഹമ്മദ് കീത്തേടത്, ബാലകൃഷ്ണന്‍, ജോര്‍ജ്, ലൂക്കോസ്, സെലിന്‍, മേരിജോണ്‍, ദേവി, സരോജിനി, എല്‍സമ്മ, മേഴ്‌സി, രാധ, ജെസി, മേരികുട്ടി, പി.പി.കാര്‍ത്യായനി, തങ്കമണി, എം.വി.കാര്‍ത്ത്യായനി, സഫിയ എന്നിവരെ പൊന്നാട അണിയിച്ച് ആദരിച്ചു.
ഇരുപത്തി രണ്ടു വര്‍ഷങ്ങള്‍ക്കു ശേഷം അധ്യാപകരെ നേരിട്ട് കാണാനും അവരെ കേള്‍ക്കാനും സാധിച്ചതില്‍ വിദ്യാര്‍ത്ഥി പ്രതിനിധികള്‍ സന്തോഷം പങ്കുവെച്ചു.
ഗോപിന, പ്രസീത, മഹ്റൂഫ്, ജംഷീര്‍, ഇര്‍ഫാന്‍, ലിജോ, വിനീത്, ശ്രീല, ഗഫൂര്‍, ആഷിക്ക്, ശ്യാം, സജീന എന്നിവര്‍ സംസാരിച്ചു.
ഉച്ചക്ക് ശേഷം നടന്ന കലാവിരുന്നില്‍ സോണി സാം, നൗഫല്‍, കബീര്‍, അന്വയ അനില്‍ എന്നിവര്‍ പരിപാടികള്‍ അവതരിപ്പിച്ചു.
ആര്‍ച്ച അനില്‍, അന്വയ അനില്‍ എന്നിവര്‍ പ്രാര്‍ത്ഥനാഗാനം ആലപിച്ചു. എ.വി.നിജില സ്വാഗതവും ജിജ ജയേഷ് നന്ദിയും പറഞ്ഞു.