സമാധാനത്തിന്റെയും സന്തോഷത്തിന്റെയും കാര്‍ണിവലാണ് കൃസ്തുമസ് ആഘോഷങ്ങള്‍-സണ്ണി ആശാരിപ്പറമ്പില്‍.
പരിയാരം: സമാധാനത്തിന്റെയും സന്തോഷത്തിന്റെയും കാര്‍ണിവലാണ് കൃസ്തുമസ് ആഘോഷമെന്ന് സുസ്ഥിര ഡയരക്ടര്‍ സണ്ണി ആശാരിപ്പറമ്പില്‍.
പരിയാരം പ്രസ്‌ക്ലബ്ബ് സന്‍സാര്‍ ഹോട്ടല്‍ ഓഡിറ്റോറിയത്തില്‍ സംഘടിപ്പിച്ച കൃസ്തുമസ് ആഘോഷപരിപാടിയില്‍ മുഖ്യാതിഥിയായി പങ്കെടുത്ത് കൃസ്തുമസ് സന്ദേശം നല്‍കി സംസാരിക്കുകയായിരുന്നു അദ്ദേഹം.
മറ്റെന്തൊക്കെ ഉണ്ടായാലും സന്തോഷമില്ലെങ്കില്‍ ജീവിതം കൊണ്ട് യാതൊരു പ്രയോജനവുമില്ല. ഈ സന്ദേശം ഊട്ടിയുറപ്പിക്കുക എന്നതാണ് കൃസ്തുമസിന്റെ മഹത്തായ സന്ദേശമെന്നും അദ്ദേഹം പറഞ്ഞു.
പ്രസ്‌ക്ലബ്ബ് പ്രസിഡന്റ് ടി.വി.പത്മനാഭന്‍ മാസ്റ്റര്‍ അധ്യക്ഷത വഹിച്ചു.
റോയല്‍ ട്രാവന്‍കൂര്‍ ബാങ്ക് മാനേജര്‍ ടി.ദീപ്തി, വിനീത വിജയന്‍, പ്രസ്‌ക്ലബ്ബ് രക്ഷാധികാരി രാഘവന്‍ കടന്നപ്പള്ളി, കേരളാ ജേര്‍ണലിസ്റ്റ് യൂണിയന്‍ ജില്ലാ പ്രസിഡന്റ് കരിമ്പം.കെ.പി.രാജീവന്‍, പ്രസ്‌ക്ലബ്ബ് സെക്രട്ടെറി ജയരാജ് മാതമംഗലം, വൈസ് പ്രസിഡന്റ് പപ്പന്‍ കുഞ്ഞിമംഗലം, എം.വി.വേണുഗോപാലന്‍, ശ്രീകാന്ത് അഹാന്‍ പാണപ്പുഴ, കെ.ദാമോദരന്‍, ഒ.കെ.നാരായണന്‍ നമ്പൂതിരി, പ്രണവ് പെരുവാമ്പ എന്നിവര്‍ പ്രസംഗിച്ചു.
ജയരാജ് മാതമംഗലം സ്വാഗതവും അനില്‍ പുതിയവീട്ടില്‍ നന്ദിയും പറഞ്ഞു.
പ്രസ്‌ക്ലബ്ബിന്റെ കൃസ്തുമസ് ഉപഹാരം മുതിര്‍ന്ന മാധ്യമപ്രവര്‍ത്തകന്‍ രാഘവന്‍ കടന്നപ്പള്ളിക്ക് സണ്ണി ആശാരിപ്പറമ്പില്‍ സമ്മാനിച്ചു. കലാപരിപാടികളും അരങ്ങേറി.