പി.ദാമോദരന്‍ മാസ്റ്റര്‍ സ്മാരക പുരസ്‌കാരം ഐ.ആര്‍.പി.സി.ക്ക്
പിലാത്തറ: പ്രമുഖ സഹകാരിയും സാമൂഹിക-രാഷ്ട്രീയ-സാംസ്‌ക്കാരിക-സംഘടനാ നേതാവുമായിരുന്ന പി.ദാമോദരന്‍ മാസ്റ്റരുടെ സ്മരണാര്‍ത്ഥം കുളപ്പുറം സാംസ്‌കാരിക കേന്ദ്രം ഏര്‍പ്പെടുത്തിയ മൂന്നാമത് പുരസ്‌കാരം ജില്ലാ ഐ.ആര്‍.പി.സി.ക്ക്.
ഐ.ആര്‍.പി.സി നടത്തിവരുന്ന ലഹരി വിരുദ്ധ പ്രവര്‍ത്തനത്തെ വിലയിരുത്തിയാണ് പുരസ്‌കാരം.
25,000 രൂപയും മൊമന്റോയും അടങ്ങുന്ന പുരസ്‌കാരം നവംബര്‍ രണ്ടാം വാരത്തില്‍ കുളപ്പുറത്ത് നടക്കുന്ന ചടങ്ങില്‍ സമ്മാനിക്കും.
വാര്‍ത്താസമ്മേളനത്തില്‍ മുന്‍ എം.എല്‍.എ.ടി.വി.രാജേഷ്, എം.ശ്രീധരന്‍, വി.വി.ഗോവിന്ദന്‍, എം.ഷൈജു, വി.വി.രമേശന്‍, പി.പി.രജീഷ്, ഒ.വി.കൃഷ്ണന്‍ എന്നിവര്‍ പങ്കെടുത്തു.