ഒടുവില്‍ പവനായി ശവംപോലും ആയില്ല – എല്ലാം ശുഭം–
തളിപ്പറമ്പ്: എന്തൊക്കെയായിരുന്നു പുകില്, മയക്കുമരുന്ന് മാഫിയാസംഘം, തേര്‍വാഴ്ച്ച—-
ഇന്നലെ പുളിമ്പറമ്പില്‍ ഗുഡ്‌സ് ഓട്ടോറിക്ഷ തകര്‍ത്ത സംഭവത്തില്‍ കേസ് പോലും രജിസ്റ്റര്‍ ചെയ്യാതെ തളിപ്പറമ്പ് പോലീസ്.
പുളിമ്പറമ്പിലെ പുതിയപുരയില്‍ രാജേഷിന്റെ
ഓട്ടോറിക്ഷയുടെ മുന്‍വശത്തെ ചില്ലാണ് ഒരു സംഘം എറിഞ്ഞുതകര്‍ത്തത്.
അഞ്ചംഗസംഘമാണ് അക്രമം നടത്തിയതെന്ന് പരാതിക്കാരന്‍ പേര് സഹിതമാണ് പരാതി നല്‍കിയത്.
എന്നാല്‍ ഇപ്പോള്‍ സംഭവം ഒത്തുതീര്‍പ്പിലേക്ക് പോകുകയാണെന്നാണ് സൂചന.
പറഞ്ഞുതീര്‍ക്കാന്‍ തീരുമാനിച്ചു എന്നാണ് പോലീസിന്റെ പ്രതികരണം.
ഏതായാലും കൂടുതല്‍ അനിഷ്ടങ്ങളിലേക്ക് പോകാതെ തീരുന്നതാണ് നല്ലതെന്ന് ഭൂരിഭാഗവും അഭിപ്രായപ്പെടുന്നുണ്ട് പോലും-ഒടുവില്‍ പവനായി ശവംപോലും ആയില്ല.