പൊതുജനവായനശാല പുതിയ കെട്ടിടോദ്ഘാടനം നാളെ സെപ്തംബര്‍-2 ന്.
കുറുമാത്തൂര്‍:കുറുമാത്തൂര്‍ ചൊറുക്കള മലരട്ടയില്‍ പൊതുജന വായനശാലയുടെ പുതുതായി നിര്‍മ്മിച്ച കെട്ടിടോദ്ഘാടനം നാളെ നടക്കും.
(സപ്തംബര്‍-2 ശനിയാഴ്ച്ച) രാത്രി 8 മണിക്ക് പ്രശസ്ത തെന്നിന്ത്യന്‍ സിനിമാതാരം ആതിര രാജന്‍ ഉദ്ഘാടനം ചെയ്യും.
വായനശാല പ്രസിഡന്റ്പി.വി.വിനോദ് അദ്യക്ഷത വഹിക്കും.
തളിപ്പറമ്പ് റവന്യൂ ഡിവിഷണല്‍ ഓഫീസര്‍ ഇ.പി. മേഴ്‌സി മുഖ്യാതിഥിയായിരിക്കും.
തളിപ്പറമ്പ് ഡി. വൈ.എസ്.പി. എം.പി. വിനോദ് ഉപഹാര സമര്‍പ്പണം നടത്തും.
കുറുമാത്തൂര്‍ ഗ്രാമപഞ്ചായത്ത് വൈസ് പ്രസിഡന്റ് പി.രാജീവന്‍ ഉന്നത വിജയികളെ അനുമോദിക്കും.
ഗ്രാമ പഞ്ചായത്ത് മെമ്പര്‍മാരായ വി.രമ്യ, കെ.ശശിധരന്‍, വിവിധ രാഷ്ട്രീയ പാര്‍ട്ടി പ്രതിനിധികളായ കെ.വി.ബാലകൃഷ്ണന്‍, കെ.വി.നാരായണന്‍, കെ.സി.മധുസൂദനന്‍, കെ.പി.മുജീബ്‌റഹ്‌മാന്‍, റിട്ട.സുബേദാര്‍ മേജര്‍ എം.ദാമോദരന്‍ നമ്പ്യാര്‍, വി.പി.രാഘവന്‍ എന്നിവര്‍ പ്രസംഗിക്കും.
വായനശാല സെക്രട്ടറി കെ.വി.ജയചന്ദ്രന്‍ സ്വാഗതവും ട്രഷറര്‍ പി.വി.പുരുഷോത്തമന്‍ നന്ദിയും പറയും.
ഉദ്ഘാടനത്തോടനുന്ധിച്ച് പ്രദേശവാസികളുടെ കലാപരിപാടികളും ഫോക്‌ലോര്‍ അവാര്‍ഡ് ജേതാവ് സുരേഷ് പള്ളിപ്പാറ നയിക്കുന്ന ഗാനമേളയും ഉണ്ടായിരിക്കും.