മോതിരം കുടുങ്ങി-അഗ്‌നിശമനസേന മുറിച്ചു മാറ്റി-
തളിപ്പറമ്പ്: യുവാവിന്റെ വിരലില്‍ കുടുങ്ങിയ വെള്ളിമോതിരം അഗ്നിശമനസേനാംഗങ്ങള്‍ മുറിച്ചുനീക്കി.
ഇന്ന് രാത്രി 9 മണിയോടെ നീരും വേദനയുമായി സ്‌റ്റേഷനിലെത്തിയ ചപ്പാരപ്പടവ് മംഗര പി.പി.ഹൗസിലെ പി.കെ.മുജീബ്‌റഹ്മാന്‍(30) എന്നയാളുടെ വിരലിലെ വെള്ളി മോതിരം സേനാംഗങ്ങള്‍ ഇലക്ടിക് കട്ടര്‍ ഉപയോഗിച്ച് മുറിച്ച് നീക്കി.
മോതിരം വിരലില്‍ കുടുങ്ങുന്നത് തുടര്‍കഥയാവുന്നു, പൊതുജനങ്ങള്‍ ജാഗ്രത പാലിക്കണമെന്ന് ഫയര്‍ഫോഴ്‌സ്.
വിരലില്‍ മോതിരം കുടുങ്ങി നീരും വേദനയുമായി ഫയര്‍ ആന്റ് റസ്‌ക്യൂ സര്‍വ്വിസിനെ സമീപിക്കുന്നവരുടെ എണ്ണം അനുദിനം കൂടി വരുന്നു.
നീര്‍കെട്ടും വേദനയുമായി വരുന്നവരാണ് കൂടുതല്‍. ചെറിയ കുട്ടികള്‍ മുതല്‍ മുതിര്‍ന്നവര്‍ വരെ ഇക്കൂട്ടത്തില്‍ പെടും.
അപകടത്തില്‍ പെട്ട് മോതിരം, വളകള്‍ എന്നിവ നീക്കം ചെയ്യാന്‍ ആശുപത്രികള്‍ നിന്നും വരുന്നവരും വേറെയും ഉണ്ട്.
മോതിരം വളകള്‍ കുടുങ്ങി വരുന്നവരുടെ എണ്ണം ഈ വര്‍ഷം കൂടുതലാണ്.