മണല്‍മാഫിയക്ക് ഭീഷണിയായി കണ്ണപുരം പോലീസ്.
കണ്ണപുരം: മണല്‍വേട്ടക്കാര്‍ക്കെതിരെ കര്‍ശനനടപടികളുമായി കണ്ണപുരം പോലീസ്.
ഇന്നലെ രാത്രി എസ്.ഐമാരായ വിനീഷ്, സി.ജി.സാംസണ്‍ എന്നിവരുടെ നേതൃത്വത്തില്‍ നടന്ന റെയിഡില്‍ അഞ്ച് ലോഡ് പൂഴി പിടിച്ചെടുത്തു.
മടക്കര പാലത്തിന് സമീപത്തായാണ് ഇത് കൂട്ടിയിട്ടിരുന്നത്. പൂഴി കടത്ത് വാഹനങ്ങള്‍ പോലീസ് പിടിയിലാവുന്നത്
ഒഴിവാക്കാന്‍ മണല്‍മാഫിയ എസ്‌കോര്‍ട്ട് ഏര്‍പ്പെടുത്തിയതോടെയാണ് പോലീസ് പൂഴി വാരി സംഭരിക്കുന്ന കടവുകളില്‍ പരിശോധന ആരംഭിച്ചത്.
ഒരാഴ്ച്ചക്കിടയില്‍ മൂന്നാംതവണയാണ് കണ്ണപുരം പോലീസ് മണല്‍ പിടികൂടുന്നത്.