സ്‌കൂട്ടറില്‍ കാറിടിച്ച് വീട്ടമ്മ മരിച്ചു, ഭര്‍ത്താവിന് ഗുരുതരം
പത്തനംതിട്ട: നിര്‍ത്തിയിട്ടിരുന്ന സ്‌കൂട്ടറിന് പിറകില്‍ കാറിടിച്ച് ഒരാള്‍ മരിച്ചു.
കടമ്പനാട് വടക്ക് അമ്പലവിള പടിഞ്ഞാറ്റേതില്‍ പടിഞ്ഞാറ്റേതില്‍ രാജേഷിന്റെ ഭാര്യ സിംലയാണ് (35) മരിച്ചത്.
പത്തനംതിട്ട ഏനാത്ത് പുതുശേരി ഭാഗം ജഗ്ഷനില്‍ ഇന്ന് വൈകുന്നേരം മൂന്നോടെയായിരുന്നു അപകടം.
ദമ്പതികള്‍ സഞ്ചരിച്ചിരുന്ന സ്‌കൂട്ടറിലാണ് കാറിടിച്ചത്.
രാജേഷിന് ഗുരുതരമായി പരിക്കേറ്റു.
കൊട്ടാരക്കര ഭാഗത്തുനിന്ന് വന്ന കാറാണ് റോഡരികില്‍ നിര്‍ത്തി ഫോണില്‍ സംസാരിക്കുകയായിരുന്ന ഇവരുടെ സ്‌കൂട്ടറില്‍ ഇടിച്ചത്.