പെട്രോള്‍ ഭീകരനെ കോഴിക്കോട് എത്തിച്ചു.
കണ്ണൂര്‍: പെട്രോള്‍ ആക്രമ ഭീകരന്‍ ഷാരൂഖ് സൈഫിയെ ഇന്ന് രാവിലെ ആറ് മണിയോടെ കോഴിക്കോട് എത്തിച്ചു.
മേലൂര്‍ക്കുന്ന് പോലീസ് ക്യാമ്പിലേക്കാണ് പ്രതിയെ എത്തിച്ചത്.
ഇന്ന് പുലര്‍ച്ചയോടെ കോഴിക്കോട് എത്താനായിരുന്നു ഉദ്ദേശിച്ചിരുന്നതെങ്കിലും കണ്ണൂരില്‍ വെച്ച് വാഹനത്തിന്റെ ടയര്‍ പഞ്ചറായി.
കാടാച്ചിറയിലാണ് വാഹനം തകരാറിലായത്.
പോലീസുകാര്‍ സ്ഥലത്തെത്തി മറ്റൊരു വാഹനത്തിലേക്ക് മാറ്റി.
ഒന്നര മണിക്കൂറോളം വാഹനം തകരാറായി റോഡില്‍ കിടന്നു.
പ്രതിയെ മജിസ്‌ട്രേട്ട് കോടതിയില്‍ ഹാജരാക്കിയ ശേഷം കസ്റ്റഡിയില്‍ വാങ്ങാനാണ് ഉദ്ദേശിക്കുന്നതെങ്കിലും ഇയാള്‍ക്ക് പൊള്ളലേറ്റ
പരിക്കുള്ളതിനാല്‍ കോടതി ആശുപത്രിയിലേക്ക് മാറ്റാന്‍ നിര്‍ദ്ദേശിക്കുമോ എന്നതനുസരിച്ചായിരിക്കും ചോദ്യം ചെയ്യല്‍ തീരുമാനിക്കുക.