സ്‌നേഹാദരം പരിപാടിയില്‍ സംവിധായകന്‍ ഷെറിയേയും ശുചിത്വവ്യക്തിത്വം ഹനീഫയേയും ആദരിക്കും.
തളിപ്പറമ്പ്: കരിമ്പം കള്‍ച്ചറല്‍ സെന്റര്‍ ലൈബ്രറി ആന്റ് റീഡിങ്ങ് റൂമിന്റെ സ്‌നേഹാദരം പരിപാടി ജൂലായ്-17 ന് നാളെ മൈത്രിനഗര്‍ യോഗാ സെന്ററില്‍ നടക്കും.
വൈകുന്നേരം 4.30 ന് മുന്‍ നഗരസഭാ ചെയര്‍മാന്‍
അള്ളാംകുളം മഹമ്മൂദ് ഉദ്ഘാടനം ചെയ്യും.
വികസനകാര്യ സ്ഥിരം സമിതി അധ്യക്ഷയും അള്ളാംകുളം വാര്‍ഡ് കൗണ്‍സിലറുമായ എം.കെ.ഷബിത മുഖ്യാതിഥിയായി പങ്കെടുക്കും.
പ്രസിഡന്റ് കെ.പി.എം.റിയാസുദ്ദീന്‍ അധ്യക്ഷത വഹിക്കും.
ഈ വര്‍ഷം എസ്.എസ്.എല്‍.സി-പ്ലസ്ടു പരീക്ഷകളില്‍ മുഴുവന്‍ വിഷയങ്ങളിലും എ-പ്ലസ് കരസ്ഥമാക്കിയ വായനശാല പരിധിയിലെ വിദ്യാര്‍്ത്ഥികളെ ചടങ്ങില്‍ അനുമോദിക്കും.
അവനോവിലോന എന്ന സിനിമക്ക് ഈ വര്‍ഷത്തെ സംസ്ഥാന സര്‍ക്കാറിന്റെ പ്രത്യേക പുരസ്‌ക്കാരം നേടിയ സംവിധായകന്‍ ഷെറി ഗോവിന്ദനേയും
12 വര്‍ഷമായി സ്വന്തം വീടിന് മുന്നിലെ റോഡും പരിസരവും ശുചീകരിക്കുന്നത് ജീവിതവ്രതമാക്കിയ കെ.പി.മുഹമ്മദ് ഹനീഫയേയും ആദരിക്കും.
കള്‍ച്ചറല്‍ സെന്റര്‍ സെക്രട്ടറി സി.രാഹുല്‍ സ്വാഗതവും ജോ.സെക്രട്ടറി സി.ഗോവിന്ദന്‍ നന്ദിയും പറയും.