കോഴിയെ എടുക്കാനിറങ്ങിയ ജോസേട്ടന്‍ കിണറ്റില്‍ കുടുങ്ങി-
തളിപ്പറമ്പ്: കിണറ്റില്‍ വീണ കോഴിയെ എടുക്കാന്‍ ഇറങ്ങിയ അറുപതുകാരന്‍ കിണറ്റില്‍ കുടുങ്ങി.
ചപ്പാരപ്പടവ് പടപ്പേങ്ങാട്ടെ ഇളക്കുന്നേല്‍ ജോസാണ് ഇന്ന് വൈകുന്നേരം ആറരയോടെ വീട്ടുകിണറ്റില്‍ അകപ്പെട്ടത്.
55 അടി ആഴമുള്ള കിണറ്റില്‍ ഇറങ്ങിയ ജോസിന് തിരികെ കയറാന്‍ കഴിയാതെ അവശനിലയിലായതിനെ തുടര്‍ന്നാണ് അഗ്നിശമനസേനയെ വിളിച്ചത്.
റെസ്‌ക്യുനെറ്റ് ഉപയോഗിച്ച് കരയിലെത്തിച്ച ജോസിനെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചിരിക്കയാണ്.
തളിപ്പറമ്പ് അഗ്നിശമനനിലയത്തിലെ അസി.സ്റ്റേഷന്‍ ഓഫീസര്‍ ടി.അജയന്റെ നേതൃത്വത്തിലുള്ള സംഘത്തില്‍ സീനിയര്‍ ഫയര്‍ ആന്റ് റെസ്‌ക്യൂ ഓഫീസര്‍ സജീവന്‍,
ഫയര്‍ ആന്റ് റെസ്‌ക്യൂ ഓഫീസര്‍മാരായ കെ.ര#്ജിത്ത്, പി.റിജു, പി.എ അനൂപ്, പി.വി.മഹേഷ്, ഡ്രൈവര്‍മാരായ കെ.പി.ഉമേഷ്,
കെ.വി.രാജീവന്‍, ഹോംഗാര്‍ഡുമാരായ പി.ചന്ദ്രന്‍, രവീന്ദ്രന്‍ എന്നിവരുമുണ്ടായിരുന്നു.