ടി ടി കെ ദേവസ്വം ക്ലാര്‍ക്ക് മുല്ലപ്പള്ളി നാരായണനെ സസ്‌പെന്റ് ചെയ്തു
തളിപ്പറമ്പ്: ടി ടി കെ ദേവസ്വം ക്ലാര്‍ക്ക് മുല്ലപ്പള്ളി നാരായണനെ സര്‍വ്വീസില്‍ നിന്നും സസ്‌പെന്റ് ചെയ്തു.
എക്‌സിക്യുട്ടീവ് ഓഫീസറുടെ താല്‍ക്കാലിക ചുമതല വഹിച്ച കാലയളവില്‍ നാരായണന്‍ നടത്തിയതായി ആരോപിക്കപ്പെട്ട ക്രമക്കേടുകളുടെ പേരിലാണ് സസ്‌പെന്‍ഷന്‍ നടപടി ഉണ്ടായിട്ടുള്ളത്.
ദേവസ്വം ബോര്‍ഡിനെയും നവീകരണ സമിതിയെയും തെറ്റിദ്ധരിപ്പിച്ച് ക്രമവിരുദ്ധസാമ്പത്തിക ഇടപാട് നടത്തല്‍, വ്യാജരേഖ ചമക്കല്‍, എക്‌സിക്യുട്ടീവ് ഓഫീസറുടെ താല്‍ക്കാലിക ചുമതല വഹിച്ച കാലയളവില്‍ ക്ഷേത്രഫണ്ടില്‍ നിന്നും നിയമവിരുദ്ധമായി കൈക്കലാക്കിയ ലക്ഷക്കണക്കിന് രൂപ ദേവസ്വം ഫണ്ടിലേക്ക് തിരിച്ചടക്കണമെന്ന് കേരള ഓഡിറ്റ് വകുപ്പ് പലതവന്ന റിപ്പോര്‍ട്ടിലൂടെ ആവശ്യപ്പെട്ടിട്ടും തിരിച്ചടക്കാതിരിക്കുക തുടങ്ങി നിരവധി കാരണങ്ങള്‍ ചൂണ്ടിക്കാട്ടിയാണ് നാരായണനെ സര്‍വ്വീസില്‍ നിന്നും സസ്‌പെന്റ് ചെയ്തിട്ടുള്ളത്.
ടി ടി കെ ദേവസ്വം എക്‌സിക്യുട്ടീവ് ഓഫീസറുടെ താല്‍ക്കാലിക ചുമതല വഹിച്ചിരുന്ന കാലയളവില്‍ ദേവസ്വം ക്ലാര്‍ക്കായ നാരായണന്‍ വ്യാജരേഖ ചമച്ചതായുള്ള പരാതികളില്‍ നിലവില്‍ പോലീസ് അന്വേഷണവും ദേവസ്വം ബോഡ് അന്വേഷണവും നടന്നു വരുന്നതിനിടയിലാണ് ഇപ്പോള്‍ ആഭ്യന്തര അന്വേഷണത്തിന്റെ ഭാഗമായുള്ള സസ്‌പെന്‍ഷന്‍ നടപടി ടി ടി കെ ദേവസ്വത്തില്‍ നിന്നും ഉണ്ടായിട്ടുള്ളത്.