തളിപ്പറമ്പ്: ഓട്ടോറിക്ഷയില്‍ നിന്ന് 1000 രൂപയും 2000 രൂപ വിലമതിക്കുന്ന വാച്ചും മോഷ്ടിച്ചയാള്‍ അറസ്റ്റില്‍.
തിരുവട്ടൂര്‍ വായാട്ടെ തട്ടിക്കൂട്ടത്തില്‍ വീട്ടില്‍ മുഹമ്മദ് ജാസിയെ(25)യാണ് പ്രിന്‍സിപ്പല്‍ എസ്.ഐ പി.യദുകൃഷ്ണന്റെ നേതൃത്വത്തില്‍ അറസ്റ്റ് ചെയ്തത്.
ഏപ്രില്‍ 5 ന് വൈകുന്നേരം 6.30 ന് കപ്പാലം വ്യാപാരഭവന്
സമീപം നിര്‍ത്തിയിട്ട അരിപ്പാപ്രയിലെ ഓലിയന്റകത്ത് താജുദ്ദീന്റെ കെ.എല്‍.59-ഇ.5878 ഓട്ടോറിക്ഷയുടെ ഫ്രണ്ട് പോക്കറ്റില്‍ നിന്നാണ് ജാസി മോഷണം നടത്തിയത്.
സി.സി ടിവി ദൃശ്യങ്ങള്‍ പരിശോധിച്ചാണ് പോലീസ് പ്രതിയെ തിരിച്ചറിഞ്ഞത്.
കോടതിയില്‍ ഹാജരാക്കിയ ജാസിയെ 14 ദിവസത്തേക്ക് റിമാന്‍ഡ് ചെയ്തു.
