മോഷണം നടത്തിയ ക്ഷീണം കാരണം ഉറങ്ങിപ്പോയ കള്ളന്‍ പോലീസ് പിടിയില്‍.
ചെറുപുഴ: മോഷണം നടത്തിയ ക്ഷീണം കാരണം ഉറങ്ങിപ്പോയ കള്ളന്‍ പോലീസ് പിടിയില്‍.
കോഴിക്കോട് മുക്കം ചെറുപടിയിലെ അഹമ്മദ് കുട്ടിയാണ്(60) ചെറുപുഴ പോലീസിന്റെ പിടിയിലായത്.
ചെറുപുഴ ന്യൂ ഫ്രണ്ട്‌സ് സ്വയം സഹായ സംഘത്തിന്റെ പച്ചക്കറി പലചരക്ക് കടയിലാണ് ഇയാള്‍ മോഷണത്തിനായി കയറിയത്.
കടയിലുണ്ടായിരുന്ന 20,000 രൂപയിലേറെ കവര്‍ന്ന കള്ളന്‍ ഇതേ കടയുടെ പിറകിലാണ് ക്ഷീണം കാരണം ഉറങ്ങിപ്പോയത്.
പുലര്‍ച്ചെ കടയിലെത്തിയ സ്ഥാപന ഉടമകള്‍ മോഷണം നടന്നത് മനസിലാക്കിയതിനെ തുടര്‍ന്ന് ടൗണിലെ ഓട്ടോ തൊഴിലാളികളുടെ
സഹായത്തോടെ നടത്തിയ തിരച്ചലിലാണ് കടയുടെ പിറകില്‍ കൂര്‍ക്കം വലിച്ച് ഉറങ്ങുകയായിരുന്ന കള്ളന്‍ അഹമ്മദ് കുട്ടിയെ പിടികൂടിയത്.
തുടര്‍ന്ന് അഹമ്മദ് കുട്ടിയെ ചെറുപുഴ പോലീസില്‍ ഏല്‍പ്പിക്കുകയായിരുന്നു.
ഇയാള്‍ക്കെതിരെ ജില്ലയില്‍ വിവിധ സ്‌റേഷനുകളിലായി മോഷണകേസുകള്‍ നിലവിലുണ്ട്.