കക്കറ കരിമണലില്‍ പുലിയോ? വളര്‍ത്ത് നായയെ കടിച്ചു കൊന്ന നിലയില്‍
കക്കറ: കക്കറ കരിമണലില്‍ പുലി ഇറങ്ങിയതായി സംശയം.
കരിമണല്‍ സ്വദേശി ജനാര്‍ദനന്റെ വീട്ടിലെ നായയെ ഇന്നലെ കാണാതായിരുന്നു.
ഇന്ന് അതിന്റെ അവശിഷ്ടങ്ങള്‍ അടുത്തുള്ള കുറ്റിക്കാട്ടില്‍ നിന്നും കണ്ടുകിട്ടി.
പുലിയുടേതെന്ന് സംശയിക്കുന്ന കാല്‍പാടുകളും ഇവിടെ കണ്ടെത്തി.
ഇത് പരിശോധിക്കാനായി വനം വകുപ്പ് ഉദ്യോഗസ്തര്‍ പ്രദേശത്ത് എത്തി.
ഇവരുടെ പരിശോധനകള്‍ക്ക് ശേഷമാകും പുലിയാണോ എന്ന കാര്യത്തില്‍ സ്ഥിരീകരണമുണ്ടാകുകയുള്ളു.
പുലി ആണോ എന്ന് കണ്ടെത്താന്‍ പ്രദേശത്ത് കാമറകള്‍ സ്ഥാപിച്ചിട്ടുണ്ട്.
ഹെലി ക്യാമറ ഉപയോഗിച്ചും പരിശോധന നടത്തി.
പുലിയാണെന്ന് വ്യക്തമായാല്‍ സഞ്ചാരദിശ കണ്ടെത്തി കൂട് സ്ഥാപിക്കുകയാണ് വനം വകുപ്പ് ചെയ്യുക.
രണ്ടാഴ്ച്ച മുമ്പ് തളിപ്പറമ്പ് കണികുന്നിലും പറശിനിക്കടവ് നണിച്ചേരിയിലും പുലിയെ കണ്ടതായി വാര്‍ത്തകളുണ്ടായിരുന്നു.