കടപുഴകി റോഡില്‍ വീണ മരത്തിലിടിച്ച് നാല് ഇരുചക്രവാഹന യാത്രികര്‍ക്ക് പരിക്കേറ്റു.
പെരിങ്ങോം: റോഡരികിലെ മരം കടപുഴകിവീണു, മരത്തിലിടിച്ച് നിരവധി ഇരുചക്രവാഹന യാത്രികര്‍ക്ക് പരിക്കേറ്റു.
ചെറുപുഴ റോഡിലെ കുറുക്കൂട്ടി എന്ന സ്ഥലത്ത് റോഡരിലുള്ള മെയ് ഫ്‌ളവര്‍ മരമാണ് റോഡിലേക്ക് പൊട്ടിവീണത്.
അര്‍ദ്ധരാത്രിയിലാണ് സംഭവം. മരം വീണുകിടക്കുന്നതറിയാതെ എത്തിയ ഇരുചക്രവാഹനയാത്രികര്‍ക്ക് വണ്ടി മരത്തിലിടിച്ചാണ് പരിക്കേറ്റത്.
പരിക്കേറ്റ നാലുപേര്‍ക്ക് സ്വകാര്യ ആശുപത്രിയില്‍ ചികില്‍സ നല്‍കി. നാട്ടുകാര്‍ വിവരമറിയിച്ചത് പ്രകാരം പുലര്‍ച്ചെ 5.20 ന് സ്ഥലത്തെത്തിയ
പെരിങ്ങോം അഗ്നിരക്ഷാനിലയത്തിലെ സീനിയര്‍ ഫയര്‍ ആന്റ് റെസ്‌ക്യൂ ഓഫീസര്‍ ഐ.ഷാജീവിന്റെ നേതൃത്വത്തിലുള്ള സേനാംഗങ്ങളാണ് ചെയിന്‍സോ യന്ത്രം ഉപയോഗിച്ച് മരം വെട്ടിനീക്കി ഗതാഗതം പുന: സ്ഥാപിച്ചത്.