ടി.ടി.കെ.ദേവസ്വം എക്‌സിക്യുട്ടീവ് ഓഫീസറെ മാറ്റി- സി.പി.ബലദേവന് ചുമതല.
തളിപ്പറമ്പ്: ടി.ടി.കെ ദേവസ്വം എക്‌സിക്യൂട്ടീവ് ഓഫീസറുടെ ചുമതലയില്‍ നിന്നും മുല്ലപ്പള്ളി നാരായണന്‍ നമ്പൂതിരിയെ നീക്കം ചെയ്തു.
ഇന്ന് നടന്ന ദേവസ്വം ട്രസ്റ്റി ബോര്‍ഡ് യോഗത്തിലാണ് തീരുമാനം.
ഹെഡ്ക്ലര്‍ക്ക് സി.പി.ബലദേവനാണ് പുതിയ എക്‌സിക്യുട്ടീവ് ഓഫീസര്‍.
മുല്ലപ്പള്ളി നാരായണന്‍ നമ്പൂതിരിയെക്കുറിച്ച് ടി.ടി.കെ.ദേവസ്വത്തിനും മലബാര്‍ ദേവസ്വം ബോര്‍ഡിനും പരാതികള്‍ ലഭിച്ചിരുന്നതായി ബന്ധപ്പെട്ടവര്‍ പറഞ്ഞു.
നാരായണന്‍ നമ്പൂതിരി എല്‍.ഡി ക്ലാര്‍ക്കായി തുടരും.
സീനിയോറിറ്റി മറികടന്ന് നിയമനം നടത്തിയതിനെതിരെ മലബാര്‍ ദേവസ്വം കമ്മീഷണര്‍ ഉത്തരവിറക്കിയിരുന്നു.
ബിരുദം യോഗ്യതയായിട്ടുള്ള എക്‌സിക്യുട്ടീവ് ഓഫീസറുടെ പോസ്റ്റില്‍ താല്‍ക്കാലിക ചുമതലയാണ് മുല്ലപ്പള്ളിക്ക് നല്‍കിയിരുന്നത്.
സീനിയറായ ആള്‍ക്ക് ചുമതല നല്‍കണമെന്ന കമ്മീഷണറുടെ ഉത്തരവിന്റെ അടിസ്ഥാനത്തിലാണ് ട്രസ്റ്റി ബോര്‍ഡിന്റെ തീരുമാനം.