ചെറുകുന്ന് ഗവ.ഹൈസ്‌കൂള്‍ ചരിത്ര ഗ്രന്ഥം ‘വെളിച്ചത്തിലേക്ക് പ്രകാശനം ചെയ്തു
കണ്ണപുരം: ഒരു നൂറ്റാണ്ട് പിന്നിട്ട ചെറുകുന്ന് ഗവ. ഹൈസ്‌കൂളിന്റെ ചരിത്രഗ്രന്ഥം ‘വെളിച്ചത്തിലേക്ക് ‘ പ്രകാശനം ചെയ്തു.
സാംസ്‌കാരിക പ്രവര്‍ത്തകനും പൂര്‍വ്വ വിദ്യാര്‍ത്ഥിയുമായ പി.വി.സുകുമാരന്‍ ചെറുകുന്ന് ഗവ.ബോയ്‌സ് ഹയര്‍ സെക്കന്ററി സ്‌കൂള്‍ പ്രിന്‍സിപ്പല്‍ ടി.തസ്‌നീമിന് പുസ്തകം നല്‍കിയാണ് പ്രകാശനം നിര്‍വ്വഹിച്ചത്.
മുന്‍ചെറുകുന്ന് ഗ്രാമ പഞ്ചായത്ത് പ്രസിഡന്റ് പി.കെ.ഹസ്സന്‍ കുഞ്ഞി അധ്യക്ഷത വഹിച്ചു.
റിട്ട. അധ്യാപകനും സാംസ്‌കാരിക പ്രവര്‍ത്തകനുമായ ടി.സി.ഗംഗാധരനാണ് ഗ്രന്ഥം രചിച്ചത്.
ഇ മുകുന്ദന്‍, എന്‍.ശ്രീധരന്‍, ആര്‍.ഹിരേഷ് പി.പി.രമാ സുധാകരന്‍, രാജേഷ് പാലങ്ങാട്ട്, ടി.സി. ഗംഗാധരന്‍, ടി.കെ.ഗോവിന്ദന്‍, എം.കെ.രാജഗോപാല്‍ എന്നിവര്‍ പ്രസംഗിച്ചു.