കടന്നപ്പള്ളി-പാണപ്പുഴ പഞ്ചായത്തില്‍ യൂത്ത്‌ലീഗ് യൂണിറ്റ് സംഗമത്തിന് തുടക്കമായി.
പിലാത്തറ: വിദ്വേഷത്തിനെതിരെ-ദുര്‍ഭരണത്തിനെതിരെ എന്നപ്രമേയവുമായി സംസ്ഥാന വ്യാപകമായി മുസ്ലിം യൂത്ത് ലീഗ് നടത്തുന്ന യൂണിറ്റ് സംഗമം ക്യാമ്പയിന്റെ കടന്നപ്പള്ളി പാണപ്പുഴ പഞ്ചായത്ത് തല ഉദ്ഘാടനം ആലക്കാട് ശാഖയില്‍ നടന്നു.
ജില്ലാ വൈസ് പ്രസിഡന്റ് എം.എ. ഖലീലുറഹ്‌മാന്‍ ഉദ്ഘാടനം ചെയ്തു.
പ്രസിഡന്റ് സൈഫുദ്ദീന്‍ കണ്ണകൈ അധ്യക്ഷത വഹിച്ചു.
നിയോജക മണ്ഡലം പ്രസിഡന്റ് ജംഷീര്‍ ആലക്കാട് പ്രമേയപ്രഭാഷണം നടത്തി.
ശാഖ മുസ്ലിം ലീഗ് പ്രസിഡന്റ് പി.ബഷീര്‍, അനസ് കടയക്കര, അബ്ദുല്‍ റാസിഖ്, പി.അബ്ദുല്‍ റഷീദ് മുഹമ്മദ് അസ്ലം, മുഹമ്മദ് ശാമില്‍, പി.കെ.ഹസീബ് എന്നിവര്‍ പ്രസംഗിച്ചു.
ജാഫര്‍ ആലക്കാട് സ്വാഗതവും, അനസ് കടയക്കര നന്ദിയും പറഞ്ഞു.