ആത്മവീര്യവും ആവേശവും പകര്‍ന്ന് യൂത്ത്‌ലീഗ് പ്രയാണം യുവസഭക്ക് തുടക്കം.
തളിപ്പറമ്പ്: സംഘടനയെ തൊട്ടുണര്‍ത്തി സംഘാടകരെ വിളിച്ചുണര്‍ത്തി പ്രയാണം യുവസഭക്ക് ഗംഭീര തുടക്കം.
സംഘടനാ ശാക്തീകരണത്തിന്റെ ഭാഗമായി യൂത്ത്‌ലീഗ് തളിപ്പറമ്പ് മണ്ഡലം കമ്മറ്റി നടത്തുന്ന പ്രയാണം യുവസഭ ചപ്പാരപ്പട്
പഞ്ചായത്തിലെ പെരുമളാബാദ് ഹയാത്തുല്‍ ഇസ്ലാം മദ്രസയില്‍ പഞ്ചായത്ത് ശാഖാ ഭാരവാഹികളുടെ നിറഞ്ഞ സദസില്‍ യൂത്ത്‌ലീഗ് ജില്ലാ ജന.സെക്രട്ടറി പി.സി.നസീര്‍ ഉദ്ഘാടനം ചെയ്തു.
പഞ്ചായത്ത് യൂത്ത് ലീഗ് പ്രസിഡണ്ട് ഇര്‍ഫാന്‍ പെരുമളാബാദ് അദ്ധ്യക്ഷത വഹിച്ചു.
ശാഖാ കമ്മിറ്റികള്‍ക്കുള്ള രേഖകള്‍ ജില്ലാ യൂത്ത് ലീഗ് സെക്രട്ടറി അലി മംഗര കൈമാറി.
മണ്ഡലം പ്രസിഡണ്ട് നൗഷാദ് പുതുക്കണ്ടം, ജന. സെക്രട്ടറി എന്‍.യു. ഷഫീക്ക്, ട്രഷറര്‍ ഉനൈസ് എരുവാട്ടി, ഭാരവാഹികളായ ഓലിയന്‍ ജാഫര്‍,
ടി.പി.അബ്ദുല്‍കരീം, പി.കെ.ഷംസുദ്ദീന്‍, ഉസ്മാന്‍ കൊമ്മച്ചി, മുഹ്‌സിന്‍ ബക്കളം എന്നിവര്‍ സംസാരിച്ചു.
പഞ്ചായത്ത് ഭാരവാഹികളായ സലീം, അബൂബക്കര്‍, ശമീം എരുവാട്ടി, ഉനൈസ് തോട്ടിക്കീല്‍, സി.ഉവൈസ്, ഹാഷിര്‍ എന്നിവര്‍
നേതൃത്വം നല്‍കി. പഞ്ചായത്ത് ജന.സെക്രട്ടറി ഉവൈസ് ചപ്പാരപ്പടവ് സ്വാഗതവും ട്രഷറര്‍ ഷെരീഫ് മംഗര നന്ദിയും പറഞ്ഞു.