പിതാവ് വീട് പൊളിക്കുന്നതിനിടയില്‍ മതില്‍ തകര്‍ന്നുവീണ് മക്കള്‍ ഉള്‍പ്പെടെ നാല് കുട്ടികള്‍ക്ക് പരിക്കേറ്റു,
പരിയാരം: പിതാവ് വീട് പൊളിക്കുന്നതിനിടയില്‍ മതില്‍ തകര്‍ന്നുവീണ് മക്കള്‍ ഉള്‍പ്പെടെ നാല് കുട്ടികള്‍ക്ക് പരിക്കേറ്റു,
രണ്ടുപേര്‍ക്ക് ഗുരുതരം. തിരുവട്ടൂരിലെ ജത ഫാത്തിം(7), നൂറുല്‍ മെഹറിന്‍(5), ആദില്‍(10), അസ്ഹദ്(5) എന്നിവര്‍ക്കാണ് പരിക്കേറ്റത്.
ഇവരെ പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ പ്രവേശിപ്പിച്ചു.
ജത ഫാത്തിമ, ആദില്‍ എന്നിവരുടെ പരിക്ക് ഗുരുതരമാണ്.
ഇന്ന് രാവിലെ ഒന്‍പതിനായിരുന്നു സംഭവം.
മുസലിയാരകത്ത് നബീസ എന്നവരുടെ ആള്‍ത്താമസമില്ലാത്ത വീട് ഇവരുടെ മകളുടെ ഭര്‍ത്താവ് അറഫാത്തിന്റെ നേതൃത്വത്തില്‍
പൊളിക്കുന്നതിനിടെ വിള്ളല്‍ വീണുകിടന്ന മതില്‍ കുട്ടികളുടെ ദേഹത്ത് പതിക്കുകയായിരുന്നു.
അറഫാത്തിന്റെ മക്കളാണ് ആദിലും അസ്ഹദും ഭാര്യാ സഹോദരിയുടെ മക്കളാണ് ജതഫാത്തിമയും നൂറുല്‍ മെഹറിനും.