വിഷമിക്കേണ്ട-ടാറ്റുവിനെ കളയാനും വിദ്യകളുണ്ട്.
ശരീരത്തില്‍ ടാറ്റൂ ചെയ്ത ശേഷം അത് വേണ്ടായിരുന്നു എന്ന് ചിന്തിക്കുന്ന നിരവധി ആളുകള്‍ നമുക്കുചുറ്റുമുണ്ട്. സൂചി ഉപയോഗിച്ച് ചര്‍മ്മത്തില്‍ മഷിയെ ലോക്ക് ചെയ്യുകയാണ് ടാറ്റൂ ചെയ്യുന്നമ്പോള്‍ സംഭവിക്കുന്നത്. അതുകൊണ്ട് തന്നെ ടാറ്റൂ സ്ഥിരമായിരിക്കും. 5,300 കൊല്ലം പഴക്കമുള്ള ഐസ് മമ്മി ഒറ്റ്സിയില്‍ ടാറ്റൂ കണ്ടെത്തിയിരുന്നു. സ്ഥിരമായ ടാറ്റൂവിനെ എങ്ങനെ ലേസര്‍ ഉപയോഗിച്ച് നീക്കം ചെയ്യാമെന്ന് പറഞ്ഞു തരികയാണ് വിക്ടോറിയ യൂണിവേഴ്‌സിറ്റി ഗവേഷകര്‍.
ടാറ്റൂവിനെ ലേസര്‍ ഉപയോഗിച്ച് എങ്ങനെ നീക്കം ചെയ്യാം?
ഉയര്‍ന്ന തീവ്രതയില്‍ ലേസര്‍ പള്‍സുകള്‍ ചര്‍മ്മത്തിലെ മഷിയിലേക്ക് ഏല്‍പ്പിക്കുന്നു. ഇവ ഒരു നാനോ സെക്കന്‍ഡില്‍ സംഭവിക്കുന്നു. ലേസര്‍ ചെയ്യുന്നത് മഷി കണങ്ങളിലേക്ക് പരിമിതപ്പെടുത്തുന്നതിനാല്‍ ചുറ്റുമുള്ള ചര്‍മ്മത്തിന് കേടുപാടുകള്‍ ഉണ്ടാക്കില്ല.
ഓരോ നിറവും വ്യത്യസ്ത തരംഗദൈര്‍ഘ്യം ആഗിരണം ചെയ്യുന്നു. അതിനാല്‍ ഓരോ നിറത്തിനും ഒരോ ലേസര്‍ പ്രക്രിയ ആവശ്യമായി വരും. എന്നാല്‍ ചില നിറങ്ങള്‍ നീക്കം ചെയ്യുക വലിയ വെല്ലുവിളിയാണെന്നും ടാറ്റൂ വിദഗ്ധര്‍ അഭിപ്രായപ്പെടുന്നു. മഞ്ഞയെക്കാള്‍ കറുത്ത മഷി നീക്കം ചെയ്യാന്‍ വളരെ എളുപ്പമാണ്. കാരണം കറുപ്പു പോലുള്ള നിറങ്ങള്‍ വെള്ള അല്ലെങ്കില്‍ മഞ്ഞയെക്കാള്‍ ലേസര്‍ ഊര്‍ജ്ജം ആഗിരണം ചെയ്യാന്‍ സാധ്യത കൂടുതലാണ്. വെള്ള പോലുള്ള നിറങ്ങള്‍ കളയുന്നതിന് അധിക ചികിത്സ ആവശ്യമാണ്. പല നിറങ്ങള്‍ സംയോജിപ്പിച്ചും ടാറ്റൂ ചെയ്യാറുണ്ട്. ഉദാഹരണം- ചുവപ്പും മഞ്ഞയും സംയോജിപ്പിച്ച് പോപ്പി റെഡ് നിറം. ഇതില്‍ ലേസര്‍ ചികിത്സയിലൂടെ ചുവപ്പ് നിറം മായ്ക്കാമങ്കെിലും മഞ്ഞ നിറം നീക്കം ചെയ്യാന്‍ അധിക ചികിത്സ ആവശ്യമാണ്.
ലേസര്‍ റിമൂവലിസ്റ്റിനെ തിരഞ്ഞെടുക്കുമ്പോള്‍
ലേസര്‍ ചെയ്യുന്നത് ചര്‍മ്മത്തെ അമിതമായി ചൂടാക്കുകയും കഠിനമായ സന്ദര്‍ഭങ്ങളില്‍ പിഗ്മെന്റ് ഉല്‍പ്പാദിപ്പിക്കുന്ന കോശങ്ങളെ നശിപ്പിക്കാന്‍ സാധ്യതയുണ്ട്. ഇത് ചര്‍മ്മം ഇരുണ്ടതാക്കുകയോ അല്ലെങ്കില്‍ കനംകുറഞ്ഞതാകുകയോ ചെയ്യാം. അതിനാല്‍ ലേസര്‍ എങ്ങനെ പ്രവര്‍ത്തിപ്പിക്കണമെന്ന് മാത്രമല്ല, ശരിയായ തരംഗദൈര്‍ഘ്യം എങ്ങനെ തിരഞ്ഞെടുക്കാമെന്നും ടാറ്റൂ മാറുന്നതിനനുസരിച്ച് ചികിത്സയില്‍ മാറ്റം വരുത്താമെന്നും അറിയാവുന്ന ഒരു ടാറ്റൂ റിമൂവലിസ്റ്റിനെ തിരഞ്ഞെടുക്കേണ്ടത് വളരെ പ്രധാനമാണ്.
ലേസര്‍ റിമൂവലിന് എത്ര സമയം?
ടാറ്റൂ നീക്കം ചെയ്യാന്‍ ഒന്നിലധികം സെഷനുകള്‍ ആവശ്യമാണ്. മഷി, ആര്‍ട്ട് ശൈലി, ടാറ്റൂവിന്റെ വലുപ്പം എന്നിവയെ അടിസ്ഥാനപ്പെടുത്തിയാണ് സെഷനുകള്‍ തീരുമാനിക്കുക. സാധാരണ, പോര്‍ട്രെയ്റ്റ് അല്ലെങ്കില്‍ സ്ലീവ് പോലെയുള്ള നിറമുള്ള ഉയര്‍ന്ന സാന്ദ്രതയുള്ള ടാറ്റൂകളേക്കാള്‍ നീക്കം ചെയ്യാന്‍ എളുപ്പമാണ് കറുത്ത ഫൈന്‍-ലൈന്‍ ടാറ്റൂകള്‍. ലേസര്‍ ചികിത്സയ്ക്ക് ശേഷം, ടാറ്റൂ റിമൂവ് ചെയ്ത ഭാഗം തണുപ്പിച്ച് നിലനിര്‍ത്തേണ്ടതുണ്ട്. ടാറ്റൂ ശരീരത്തിന്റെ ഏത് ഭാഗത്താണെന്നതും ചികിത്സയുടെ ഘടകങ്ങളെ നിര്‍ണയിക്കും.
ടാറ്റൂ നീക്കം ചെയ്യാന്‍ ലേസര്‍ ചികിത്സ
ചര്‍മ്മത്തില്‍ ടാറ്റൂ ചെയ്യുന്നത് അലര്‍ജി അല്ലെങ്കില്‍ കോശജ്വലനം, അണുബാധ, ഹൈപ്പര്‍ സെന്‍സിറ്റിവിറ്റി പ്രതികരണങ്ങള്‍ എന്നിവയുള്‍പ്പെടെ വിട്ടുമാറാത്തതുമായ ചര്‍മ്മ പ്രശ്‌നങ്ങള്‍ക്ക് കാരണമാകും. അതിനാല്‍, ടാറ്റൂ ചെയ്തപ്പോള്‍ നിങ്ങളുടെ ചര്‍മ്മം എങ്ങനെ പ്രതികരിച്ചുവെന്ന് നിങ്ങളുടെ ലോസര്‍ ചെയ്യുമ്പോള്‍ പറയേണ്ടത് പ്രധാനമാണ്. കാരണം, ലേസര്‍ മഷി നീക്കം ചെയ്യുമ്പോള്‍ നിങ്ങള്‍ വീണ്ടും അതേ പ്രശ്‌നങ്ങള്‍ ഉണ്ടാവാന്‍ സാധ്യതയുണ്ട്.