പരസ്യമദ്യപാനത്തെ എതിര്‍ത്തതിന് മര്‍ദ്ദനം.
പഴയങ്ങാടി: പരസ്യമദ്യപാനത്തെ ചോദ്യം ചെയ്തതിന് യുവാവിനെ മര്‍ദ്ദിച്ച നാലുപേര്‍ക്കെതിരെ പഴയങ്ങാടി പോലീസ് കേസെടുത്തു.
പുതിയവളപ്പ് സ്വദേശികളായ ലിസിന്‍ റോയ്, കൃപേഷ്, പ്രവീഷ്, രാഹുല്‍രാജ് എന്നിവര്‍ക്കെതിരെയാണ് കേസ്.
ജനുവരി 13 ന് വൈകുന്നേരം 5.40 ന് ചൂട്ടാട് ഫുട്‌ബോള്‍ ഗ്രൗണ്ടിന് സമീപംവെച്ച് നാലംഗസംഘം പരസ്യമായി മദ്യപിക്കുന്നതിനെ
എതിര്‍ത്ത ചൂട്ടാട് ലീഗ് ഓഫീസിന് സമീപത്തെ കോയമ്മാടകത്ത് വീട്ടില്‍ ആര്‍.എം.ആഷിഖിനെ(34) നാലുപേരും ചേര്‍ന്ന് മര്‍ദ്ദിച്ചതായാണ് പരാതി.