ചരക്ക് ലോറി ഡിവൈഡറില്‍ ഇടിച്ച് അപകടം; ഡ്രൈവര്‍ മരിച്ചു.
ബംഗളൂരു: കേരളത്തില്‍ നിന്ന് ബാംഗ്ലൂരിലേക്ക് വരുകയായിരുന്ന ചരക്ക് ലോറി ബിടിതിക്ക് സമീപം നാനഹള്ളിയില്‍ ഡിവൈഡറില്‍ ഇടിച്ച് ലോറി ഡ്രൈവര്‍ മരിച്ചു.
കണ്ണൂര്‍ ഇരിക്കൂര്‍ സ്വദേശി എം.പി.മുഹമ്മദ് റാഷിദ് (27) ആണ് മരിച്ചത്.
ലോറിയിലുണ്ടായിരുന്ന ശിഹാബുദ്ധീന്‍ (43) ഷംനാസ് (15) ഷംന (10) ഷംസ (10) എന്നിവരെ പരുക്കുകളോടെ കെങ്കേരി ബിജിഎസ് ആശുപത്രിയില്‍ പ്രവേശിപ്പിച്ചു.
ഇന്ന് (ഞായറാഴ്ച്ച) പുലര്‍ച്ചെ നാലോടെയാണ് അപകടം.
ലോറിയില്‍ ഉണ്ടായിരുന്നവരെ നാട്ടുകാരും കെ.എം.സി.സി പ്രവര്‍ത്തകരും ആശുപത്രിയിലെത്തിച്ചെങ്കിലും ഡ്രൈവറുടെ ജീവന്‍ രക്ഷിക്കാനായില്ല.
രാംനഗര്‍ ഗവണ്‍മെന്റ് ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം റാഷിദിന്റെ മൃതദേഹം നാട്ടിലേക്ക് കൊണ്ടുപോയി.
യൂസുഫ്-ത്വാഹിറ ദമ്പതികളുടെ മകനാണ്. സഹോദരങ്ങള്‍ റജില, നിഹാല്‍.
പരിക്കുപറ്റിയവരെ തുടര്‍ചികിത്സക്കായി മംഗലാപുരം കെജെസ് മിനി ആശുപത്രിയിലേക്ക് ബാംഗ്ലൂര്‍ എഐകെഎംസിസി ആംബുലന്‍സില്‍ കൊണ്ടുപോയി.