കലിയടങ്ങുന്നില്ല, പോര്‍ക്കലിയോട്- മൂന്നാമതും വാഹനത്തിന് നേരെ ആക്രമണം-ചില്ലുകള്‍ തകര്‍ന്നു.
പഴയങ്ങാടി: സി.ഐ.ടി.യു പ്രവര്‍ത്തകര്‍ സമരം തുടരുന്ന പഴയങ്ങാടിയിലെ ശ്രീ പോര്‍ക്കലി സ്റ്റീലിന്റെ വാഹനത്തിന് നേരെ അജ്ഞാതസംഘത്തിന്റെ ആക്രമണം.
വാഹനത്തിന്റെ മുന്‍ഭാഗത്തെ ചില്ല് തകര്‍ന്നു.
ഇന്നലെ രാത്രി ആറരക്ക് ചെമ്പല്ലിക്കുണ്ട് പാലത്തിന് സമീപം വെച്ചാണ് കെ.എല്‍.60എന്‍ 8276 നമ്പര്‍ പിക്കപ്പ് വാനിന് നേരെ അക്രമം നടന്നത്.
ചീമേനി ഭാഗത്തേക്ക് പോര്‍ക്കലി സ്റ്റീലില്‍ നിന്നും സാധനങ്ങളുമായി പോകുന്നതായിരുന്നു പിക്കപ്പ്‌വാന്‍.
മൂന്നഗസംഘമാണ് അക്രമം നടത്തിയതെന്നാണ് ഡ്രൈവര്‍ പരിയാരം പോലീസില്‍ നല്‍കിയ മൊഴിയില്‍ പറയുന്നത്.
ചില്ല് എറിഞ്ഞു തകര്‍ത്തിട്ടും സാധനങ്ങളുമായി ചീമേനിയില്‍ പോയ വാഹനം തിരിച്ചെത്തിയാണ് പരാതി നല്‍കിയത്.
സംഭവത്തില്‍ ദുരൂഹതയുണ്ടെന്നാണ് പോലീസ് പറയുന്നത്.
സമരം തുടങ്ങിയതിന് ശേഷം അക്രമിക്കപ്പെടുന്ന ശ്രീപോര്‍ക്കലിയുടെ മൂന്നാമത്തെ വാഹനമാണിത്.
പരിയാരം മെഡിക്കല്‍ കോളേജ് പോലീസ് കേസെടുത്ത് അന്വേഷണമാരംഭിച്ചു. 4000 രൂപയുടെ നഷ്ടം കണക്കാക്കുന്നു.