ഭഗത്‌സിംഗ് യൂത്ത് ഫോഴ്‌സ് കണ്ണൂര്‍ ഗവ.മെഡിക്കല്‍ കോളേജ് പരിസരം ശുചകരിച്ചു.
പരിയാരം: എ.ഐ.വൈഎഫിന്റെ നേതൃത്വത്തില്‍ സന്നദ്ധ പ്രവര്‍ത്തനങ്ങള്‍ നടത്തുന്നതിനുവേണ്ടി സംസ്ഥാന അടിസ്ഥാനത്തില്‍ രൂപീകരിച്ച
ഭഗത് സിംഗ് യൂത്ത് ഫോഴ്‌സിന്റെ നേതൃത്വത്തില്‍ പരിയാരം കണ്ണൂര്‍ ഗവ.മെഡിക്കല്‍ കോളേജും പരിസരപ്രദേശങ്ങളിലും പ്രവര്‍ത്തകര്‍ ശുചീകരണ പ്രവര്‍ത്തനം നടത്തി.
ശുചീകരണ പ്രവര്‍ത്തനങ്ങള്‍ എ.ഐ.വൈ.എഫ് സംസ്ഥാന എക്‌സി അംഗം കെ.വി.രജീഷ് ഉദ്ഘാടനം ചെയ്തു.
ജില്ലാ പ്രസിഡന്റ് കെ.ആര്‍.ചന്ദ്രകാന്ത് അധ്യക്ഷത വഹിച്ചു.
സംസ്ഥാന കമ്മിറ്റി അംഗങ്ങളായ അഡ്വ.എം.സി.സജീഷ്, ടി.വി.രജിത എന്നിവര്‍ സംസാരിച്ചു.
നേതാക്കളായ ഷാഹുല്‍ അമീര്‍, പ്രജീഷ് പടിയൂര്‍, എം.പി.വി.രശ്മി, മെഹ്‌സിന സലീം, പി.വിനു, കെ.എസ്.ശരണ്‍ എന്നിവര്‍ നേതൃത്വം നല്‍കി. യൂത്ത് ഫോഴ്‌സ് ജില്ലാ കണ്‍വീനര്‍ ധീരജ് സ്വാഗതം പറഞ്ഞു.