കൈക്കൂലി വാങ്ങുന്നതിനിടെ ടി.ആര്‍.ഡി.എം.മാനേജര്‍ സലീം താഴെകോറോത്ത് അറസ്റ്റില്‍
കണ്ണൂര്‍ കൈക്കൂലി വാങ്ങുന്നതിനിടെ ആദിവാസി പുനരധിവാസ വികസന മിഷന്‍ (ടി.ആര്‍.ഡി.എം.) സൈറ്റ് മാനേജര്‍ അറസ്റ്റില്‍.
പിണറായി ഓലയമ്പലം സ്വദേശി സലിം താഴെ കോറോത്താണ് അറസ്റ്റിലായത്.
ബുധനാഴ്ച വൈുന്നേരം നാലിനാണ് സംഭവം.
വിജിലന്‍സ് ഡിവൈ.എസ്.പി. ബാബു പെരിങ്ങേത്തിന്റെ നേതൃത്വത്തിലുള്ള സംഘമാണ് സലിമിനെ അറസ്റ്റ് ചെയ്തത്.
പെരിങ്ങോത്ത് ആദിവാസി വിഭാഗങ്ങള്‍ക്ക് അനുവദിച്ച ഭൂമിയില്‍ വീട് വെക്കുന്നതിനുള്ള സഹായധനം അനുവദിക്കാന്‍ 10,000 രൂപ പെരിങ്ങോം സ്വദേശി ബാബുവില്‍ നിന്ന് കൈക്കൂലി വാങ്ങുന്നതി നിടെയാണ് അറസ്റ്റ്.
ബാബു വിജിലന്‍സില്‍ പരാതി നല്‍കിയിരുന്നു.
വിജിലന്‍സ് നല്‍കിയ പണം കണ്ണൂര്‍ ജവാഹര്‍ ഹാളിന് സമീപംവെച്ച് പരാതിക്കാരന്‍ കൈമാറുന്നതിനിടെയാണ് പിടികൂടിയത്.
കൈക്കൂലി നല്‍കിയ പണം വിജിലന്‍സ് പിടിച്ചെടുത്തു. കോടതിയില്‍ ഹാജരാക്കിയ സലീമിനെ റിമാന്‍ഡ് ചെയ്തു.