പിടിയിലായത് മലയോരത്തെ പ്രധാന കഞ്ചാവ് വില്‍പ്പനക്കാര്‍.
ആലക്കോട്: മലയോര മേഖലയിലേക്ക് കഞ്ചാവ് ഉള്‍പ്പെടെയുള്ള മയക്കുമരുന്നുകള്‍ എത്തിക്കുന്ന സംഘത്തിലെ പ്രധാന കണ്ണികളാണ് അറസ്റ്റിലായ പുത്തന്‍പുരയില്‍ അലക്സ് ഡൊമിനിക്കും(23), പൂഴിക്കാട്ട് വിമലേഷ് സുനിലു(20)മെന്ന് പോലീസ് പറഞ്ഞു.
ഇന്‍സ്‌പെക്ടര്‍ എം.പി.വിനീഷ്‌കുമാറിന്റെ നേതൃത്വത്തില്‍ ചോദ്യം ചെയ്തപ്പോള്‍ വിലപ്പെട്ട വിവരങ്ങള്‍ ലഭിച്ചിട്ടുണ്ട്.
ഇവര്‍ക്ക് കഞ്ചാവ് നല്‍കിയ കാസര്‍ഗോഡ് സംഘത്തെപ്പറ്റിയുള്ള വിവരങ്ങളും ലഭിച്ചതായി പോലീസ് പറഞ്ഞു.
ആലക്കോട് എസ്.ഐ പി.വിജേഷിന്റെ നേതൃത്വത്തിലുള്ള പോലീസ് സംഘമാണ് അറസ്റ്റ് ഇന്ന് പുലര്‍ച്ചെ രണ്ടോടെ ആലക്കോട് പാലത്തിന് സമീപത്തുവെച്ച് ഇവരെ പിടികൂടിയത്.
കാസര്‍ഗോഡുനിന്നും 3.600 കിലോഗ്രാം കഞ്ചാവുമായി ബുള്ളറ്റ് ബൈക്കില്‍ ആലക്കോടേക്ക് വരികയായിരുന്നു ഇവര്‍.
രാത്രികാല പരിശോധന നടത്തുകയായിരുന്ന പോലീസ് സംഘം വാഹനം തടഞ്ഞ് ചോദ്യം ചെയ്തപ്പോഴാണ് കഞ്ചാവ് കടത്താണെന്ന് വ്യക്തമായത്.