അറുപത് കിലോ കഞ്ചാവുമായി ഹക്കീം അറസ്റ്റില്‍.
ഇരിട്ടി: അറുപത് കിലോഗ്രാം കഞ്ചാവ് സഹിതം യുവാവ് എക്സൈസ് പിടിയില്‍.
തലശേരി ചൊക്ലി മേനപ്രം കൈതോല്‍ പീടികയില്‍ വീട്ടില്‍ കെ.പി.ഹക്കീം(46)നെയാണ് ഇരിട്ടി എക്സൈസ് ഇന്‍സ്പെക്ടര്‍ പ്രജീഷ് കുന്നുമ്മലിന്റെ നേതൃത്വത്തില്‍ അറസ്റ്റ് ചെയ്തത്.
ഇരിട്ടി ടൗണില്‍ പട്രോളിംഗ് നടത്തുന്നതിനിടെ കെ.എല്‍-29-ബി 8889 വെളുത്ത ഫിയറ്റ് കാര്‍ പരിശോധിച്ചപ്പോഴാണ് കഞ്ചാവ് കണ്ടെടുത്തത്.
അസിസ്റ്റന്റ് എക്സൈസ് ഇന്‍സ്പെക്ടര്‍മാരായ ടി.കെ.വിനോദന്‍, കെ.പി.പ്രമോദ്, കെ.വി.സുരേഷ, പ്രിവെന്റീവ് ഓഫീസര്‍ (ഗ്രേഡ് ) ഷൈബി കുര്യന്‍, വി.കെ.അനില്‍കുമാര്‍, സിവില്‍ എക്സൈസ് ഓഫീസര്‍മാരായ വി.ശ്രീനിവാസന്‍, കെ.രമീഷ്, സന്ദീപ് ഗണപതിയാടന്‍, വനിതാ സിവില്‍ എക്സൈസ് ഓഫീസര്‍ വി.ശരണ്യ എന്നിവരും സംഘത്തില്‍ ഉണ്ടായിരുന്നു.