കഞ്ചാവ് വീരന്‍ റിക്‌റ്റോ സെബാസ്റ്റ്യന്‍ പോലീസ് പിടിയില്‍
ശ്രീകണ്ഠാപുരം: കാസറഗോഡ് നിന്നും കഞ്ചാവ് കടത്തി കൊണ്ടുവന്ന് കണ്ണൂര്‍ ജില്ലയിലെ ശ്രീകണ്ഡാപുരത്തെ മലയോര മേഖലകളില്‍ വിതരണം ചെയ്യുന്ന ചെങ്ങളായി നെല്ലിക്കുന്നിലെ റിക്‌റ്റോ എന്ന സെബാസ്റ്റ്യന്‍ പോലീസ് പിടിയിലായി.
നിരവധി കഞ്ചാവ് കേസുകളില്‍ പ്രതിയാണ് ഇയാള്‍.
ശ്രീകണ്ഡാപുരം പോലീസ് സ്‌റ്റേഷന്‍ പരിധിയില്‍ സെബാസ്റ്റ്യന്‍ കഞ്ചാവ് വിതരണം ചെയ്യുതായി സ്‌പെഷ്യല്‍ ബ്രാഞ്ചിന്റെ റിപ്പോര്‍ട്ട് ഉണ്ടായിരുന്നു.
അതു പ്രകാരം കണ്ണൂര്‍ റൂറല്‍ ജില്ലാ ലഹരി വിരുദ്ധ സ്‌ക്വാഡും ശ്രീകണ്ഡാപുരം പോലീസും സംയുക്തമായി നടത്തിയ പരിശോധനയിലാണ് ചുഴലിയില്‍ വച്ച് ഇയാളെ പിടികൂടിയത്.
ഇയാളുടെ കൈവശം ഉണ്ടായിരുന്ന 9.5 ഗ്രാം കഞ്ചാവും, കഞ്ചാവ് കടത്താന്‍ ഉപയോഗിച്ച കെ.എല്‍. 59 വി 7023 കാറും പോലീസ് പിടിച്ചെടുത്തു.
ശ്രീകണ്ഡാപുരം പോലീസ് സ്‌റ്റേഷനിലെ എ.എസ്.ഐ പി.പി.അശോക്കുമാര്‍, എ.എസ്.ഐ നാരായണന്‍ എന്നിവരും ജില്ലാ ലഹരിവിരുദ്ധ സ്‌ക്വാഡിലെ പോലീസുകാരും ചേര്‍ന്നാണ് ഇയാളെ പിടികൂടിയത്. വര്‍ധിച്ചു വരുന്ന ലഹരി ഉപയോഗത്തിന്റെ വേരറുക്കന്‍ പോലീസ് നടപടി ശക്തമാക്കിവരികയാണ്.