നിയന്ത്രണം വിട്ട് കാര്‍ ലോറിയിലിടിച്ചു, രണ്ടു പേര്‍ക്ക് പരുക്ക് .
ഇരിട്ടി: നിയന്ത്രണം വിട്ടകാര്‍ ലോറിയിലിടിച്ച് കാര്‍ യാത്രികരായ രണ്ടുപേര്‍ക്ക് പരിക്കേറ്റു.
കൂരന്‍ മുക്കില്‍ റോഡരികില്‍ നിര്‍ത്തിയിട്ട ലോറിയില്‍ നിയന്ത്രണം വിട്ട കാര്‍ ഇടിച്ച് കയറുകയായിരുന്നു.
പരിക്കേറ്റ കാര്‍ യാത്രികരായ പടിയൂര്‍ സ്വദേശികളായ ജോസ് (65), സംഗീത് (38) എന്നിവരെ മട്ടന്നൂര്‍ സ്വകാര്യാശുപത്രിയില്‍ പ്രവേശിപ്പിച്ചു.
രാവിലെ 8.30 ഓടെയായിരുന്നു അപകടം.
പടിയൂരില്‍ നിന്നും മട്ടന്നൂര്‍ ഭാഗത്തേക്ക് പോകുകയായിരുന്ന കാറാണ് അപകടത്തില്‍പ്പെട്ടത്.
കാറിന്റെ മുന്‍ഭാഗം പൂര്‍ണ്ണമായും തകര്‍ന്നു.