എസ്.ഐയുടെ കാര്‍ അടിച്ചു തകര്‍ത്തു.
കണ്ണൂര്‍: കണ്ണൂരില്‍ പോലീസ് ഉദ്യോഗസ്ഥന്റെ വാഹനത്തിന് നേരെ രാത്രിയില്‍ അക്രമണം.
കണ്ണപുരം സ്‌റ്റേഷനിലെ ഗ്രേഡ് എ എസ് ഐ എം വി ജയചന്ദ്രന്റെ കാറാണ് അക്രമിച്ചത്. കാറിന്റെ ചില്ലുകള്‍ എറിഞ്ഞു തകര്‍ത്തു.
പാപ്പിനിശ്ശേരി കോലത്ത് വയലിലിലെ വീട്ടില്‍ നിര്‍ത്തിയിട്ട വാഹനത്തിനു നേരെയാണ് ആക്രമണം ഉണ്ടായത്.
കെ.എല്‍-13 എ.ഇ 3986 മാരുതി ആള്‍ട്ടോ കാറിന്റെ മുന്‍ഭാഗത്തെയും പിന്‍ഭാഗത്തെയും ചില്ലുകള്‍ തകര്‍ത്ത നിലയിലാണ്.
രാവിലെയാണ് ചില്ലുകള്‍ തകര്‍ന്നിരിക്കുന്നത് വീട്ടുകാരുടെ ശ്രദ്ധയില്‍പ്പെട്ടത്.
സംഭവത്തില്‍ വളപട്ടണം പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.