നാടകങ്ങള്‍ സമൂഹത്തോട് കലഹിക്കണം- ഇബ്രാഹിം വെങ്ങര.
പഴയങ്ങാടി: സി പി എം ജില്ലാ സമ്മേളനത്തിന്റെ ഭാഗമായി നെരുവമ്പ്രത്ത് ഉത്തരമേഖല ഹ്രസ്വ നാടകമത്സരം സംഘടിപ്പിച്ചു.
നാടകാചാര്യന്‍ ഇബ്രാഹിം വെങ്ങര ഉദ്ഘാടനം ചെയ്തു. നാടകം സമൂഹത്തോട് കലഹിക്കണമെന്നും, മാറ്റങ്ങള്‍ സൃഷ്ടിക്കണമെന്നും അദ്ദേഹം പറഞ്ഞു.
സി.വി. കുഞ്ഞിരാമന്‍ അധ്യക്ഷത വഹിച്ചു. ജില്ലാ കമ്മിറ്റി അംഗം പി.പി.ദാമോദരന്‍, ഏരിയ സെക്രട്ടറി കെ.പത്മനാഭന്‍, കെ.ചന്ദ്രന്‍, ആര്‍.അജിത, കെ. മനോഹരന്‍, വി.വിനോദ്, പി.ഗോവിന്ദന്‍, കെ.പി.മോഹനന്‍ എന്നിവര്‍ സംസാരിച്ചു.
നാടക പ്രവര്‍ത്തകരായ കെ.പി.ഗോപാലന്‍, സുരേഷ് ബാബു ശ്രീസ്ഥ, ഗിരീഷ് ഗ്രാമിക, രജിത മധു, പ്രകാശന്‍ ചെങ്ങല്‍ എന്നിവരെ ആദരിച്ചു.
ടി.വി.രാജേഷ് സമ്മാനങ്ങള്‍ വിതരണം ചെയ്തു. കെ.വി.സന്തോഷ് സ്വാഗതം പറഞ്ഞു.