വീടിന്റെ ടെറസിന്റെ മുകളില്‍ നിന്നും വീണ് ഗൃഹനാഥ മരിച്ചു
തളിപ്പറമ്പ്: വീടിന്റെ ടെറസിന്റെ മുകളില്‍ നിന്നും വീണ് ഗൃഹനാഥ മരിച്ചു.
ധര്‍മ്മശാല ഒഴക്രോം അങ്കണവാടിക്ക് സമീപത്തെ ചുങ്കക്കാരന്‍ സോമന്റെ ഭാര്യ ശാന്ത (55)യാണ് മരണമടഞ്ഞത്.
തിങ്കളാഴ്ച്ച രാവിലെയായിരുന്നു അപകടം നടന്നത്.
വീടിന് സമീപത്തെ പപ്പായ മരത്തില്‍ നിന്നും പപ്പായ പറിക്കാന്‍ ടെറസിന് മുകളില്‍ കയറിയതായിരുന്നു ശാന്ത.
പപ്പായ പറിക്കുന്നതിനിടെ കാല്‍ തെന്നി താഴേക്ക് വീഴുകയായിരുന്നു.
ഓടിക്കൂടിയ നാട്ടുകാര്‍ ഉടന്‍ ബക്കളം എം.വി.ആര്‍ മെമ്മോറിയല്‍ ആശുപത്രിയിലെത്തിച്ചു.
നില ഗുരുതരമായതിനാല്‍ കണ്ണൂര്‍ എ.കെ.ജി ആശുപത്രിയിലേക്ക് മാറ്റിയെങ്കിലും ജീവന്‍ രക്ഷിക്കാനായില്ല.
ഐശ്വര്യ, അശ്വിന്‍ എന്നിവര്‍ മക്കളാണ്