വാറ്റുചാരായം സഹിതം സാജുമാത്യു അറസ്റ്റിലായി.
ശ്രീകണ്ഠാപുരം: നാല് ലിറ്റര്‍ ചാരായം സഹിതം വാറ്റുകാരന്‍ അറസ്റ്റില്‍.
കാഞ്ഞിരക്കൊല്ലി ചിറ്റാരിയിലെ പ്രധാന ചാരായം വില്പനക്കാരന്‍ ആക്കല്‍ വീട്ടില്‍ മാത്യുവിന്റെ മകന്‍ സാജു മാത്യു(50)ആണ് പിടിയിലായത്.
ക്രിസ്തുമസ്-ന്യൂഇയര്‍ സ്‌പെഷ്യല്‍ ഡ്രൈവിന്റെ ഭാഗമായി
ശ്രീകണ്ഠാപുരം എക്‌സൈസ് റേഞ്ച് ഓഫീസിലെ പ്രിവന്റീവ് ഓഫീസര്‍ പി.ആര്‍.സജീവിന്റെ നേതൃത്വത്തില്‍
പയ്യാവൂര്‍, പൈസക്കരി, കാഞ്ഞിരക്കൊല്ലി -ചിറ്റാരി ഭാഗങ്ങളില്‍ നടത്തിയ റെയ്ഡിലാണ് ഏറെനാളുകളായി ചാരായം വില്‍പ്പന നടത്തിവന്ന ഇയാളെ നാല് ലിറ്റര്‍ ചാരായം സഹിതം അറസ്റ്റ് ചെയ്ത് അബ്കാരി കേസെടുത്തത്.
റെയ്ഡില്‍ ഗ്രേഡ് പ്രിവന്റീവ് ഓഫീസര്‍മാരായ ടി.ആര്‍.രാജേഷ്, പി.എ.രഞ്ജിത്ത്കുമാര്‍, സിവില്‍ എക്‌സൈസ് ഓഫീസര്‍മാരായ പി.ഷിബു, എം.രമേശന്‍, വനിതാ സിവില്‍ എക്‌സൈസ് ഓഫീസര്‍ ശ്രീജ.എസ്.കുമാര്‍, ഡ്രൈവര്‍ പുരുഷോത്തമന്‍ എന്നിവരും പങ്കെടുത്തു.