മദ്യവില്‍പന നടത്തിയ കുപ്പി മനോജ് എക്‌സൈസ് പിടിയില്‍.
തളിപ്പറമ്പ്: ക്രിസ്തുമസ് ദിനത്തില്‍ മദ്യവില്‍പന നടത്തിയ കുപ്പി മനോജ് എക്‌സൈസ് പിടിയില്‍.
തളിപ്പറമ്പ് എക്‌സൈസ് സര്‍ക്കിള്‍ ഓഫീസിലെ പ്രിവന്റീവ് ഓഫീസര്‍ കെ.കെ.രാജേന്ദ്രന്റെ നേതൃത്വത്തില്‍ കുപ്പം, ചുടല ചിറവക്ക് ഭാഗങ്ങളില്‍ നടത്തിയ
റെയിഡില്‍ മുക്കുന്നില്‍ വെച്ചാണ് വില്‍പ്പനയ്ക്കായി സൂക്ഷിച്ച 5 ലിറ്റര്‍ വിദേശമദ്യം സഹിതം കെ.വി.മനോജ് എന്ന കുപ്പി മനോജിനെ അബ്കാരി നിയമ പ്രകാരം കേസെടുത്ത് അറസ്റ്റ് ചെയ്തത്.
സിവില്‍ എക്‌സൈസ് ഓഫീസര്‍മാരായ പി.ആര്‍.വിനീത്, പി.വി.സനേഷ്, ഡ്രൈവര്‍ പി.വി.അജിത്ത് എന്നിവരും റെയിഡില്‍ പങ്കെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.